Góður sigur á grjóthörðum Grindvíkingum
Tindastólsmenn héldu til Grindavíkur í gær þar sem hálf lemstraðir heimamenn biðu þeirra með einn erlendan leikmann í sínum röðum þar sem einn var í banni og annar ekki kominn með leikheimild. Þrátt fyrir það voru heimamenn sprækir og börðust allt til síðasta blóðdropa en á endanum voru Stólarnir of sterkir og héldu glaðbeittir heim á Krók með stigin tvö í pokahorninu. Lokatölur 83-94 og bæði lið með sex stig að loknum sex umferðum.
Leikurinn var í járnum fyrstu mínúturnar en Nökkvi Nökkva kom heimamönnum þremur stigum yfir, 23-20, þegar átta mínútur voru liðnar. Zoran, Keyshawn, Siggi og Raggi gerðu síðustu körfur leikhlutans fyrir Stólana og staðan 23-26 að honum loknum. Key og Siggi komu muninum í tíu stig í upphafi annars leikhluta og því forskoti héldu gestirnir fram að hléi og vel það, náðu mest 14 stiga forystu, 39-53, en Óli Óla lagaði stöðu heimamenn með íleggju um leið og fyrri hálfleikur rann sitt skeið á enda. Staðan 44-55 í hálfleik.
Varnarleikur Stólanna var ekki burðugur í fyrri hálfleik og ekki lagaðist hann í þriðja leikhluta. Það sem verra var að það hálfpartinn drapst á sóknarleiknum eða í það minnsta hættu menn að setja skotin ofan í körfu Grindvíkinga. Munurinn hélst í kringum tíu stigin framan af en síðustu fimm mínútur leikhlutans gekk hvorki né rak hjá Stólunum. Arnór Tristan jafnaði leikinn 67-67 en Pétur svaraði. Þá mætti skriðdrekinn, Óli Óla, og jafnaði á ný og lokaorðið átti Valdas Vasylius sem setti niður tvö víti. Staðan 71-69 fyrir heimamenn þegar fjórði leikhluti hófst.
Stólarnir hristu af sér slenið í fjórða leikhluta þó enn gengi illa að setja skotin niður. Arnar spólaði niður tveimur körfum í upphafi og gestirnir náðu í hvelli 2-12 kafla. Staðan þá 73-81 o Jóhann Ólafur, þjálfari Grindvíkinga, tók leikhlé og trekkti mannskapinn upp á ný. Það skilaði sér því ekki leið á löngu þangað til allt var jafnt á ný, 81-81. Þá liðu tvær mínútur án þess að liðin næðu að skora. Það var síðan vendipunktur að Taiwo stal boltanum af Arnóri Tristan og tróð með tilþrifum. Keyshawn kom gestunum fjórum stigum yfir þegar tvær mínútur voru eftir og nú virtist mesti móðurinn runninn af Grindvíkingum. Bragi Guðmunds minnkaði þó muninn í 83-85 en síðustu níu stigin gerðu Tindastólsmenn og kættu öflugan hóp stuðningsmanna sinna sem höfðu mætt í Grindavík.
Góður sigur staðreynd og alltaf gott að sækja stigin í Grindavík. Hefðu Stólarnir hitt eðlilega fyrir utan 3ja stiga línuna þá hefðu þeir nú átt þægilegra kvöld. Key var 0/6, Raggi 0/5, Pétur 0/3, Arnar 1/9, Zoran 2/7, Taiwo 3/7 og Drungalis 3/4 sem gerir 22% nýtingu. Taiwo var öflugastur í gærkvöldi með 23 stig og sjö fráköst, Keyshawn skilaði 21 stigi og sex fráköstum, Drungalis endaði með 19 stig, Zoran gerði 12 og Arnar 10. Pétur átti fínan leik því þó hann skilaði aðeins fjórum stigum á töfluna var hann frákastahæstur með níu stykki og átti átta stoðsendingar.
Hinn 39 ára gamli Valdas var atkvæðamestur heimamanna með 23 stig og ellefu fráköst, líkt og Óli Óla sem gerði 20 stig. Þá var Bragi Guðmunds með 20 stig. Næsti leikur er hér í Síkinu nú á fimmtudag en þá kemur topplið Breiðabliks í heimsókn en Blikarnir hafa komið skemmtilega á óvart það sem af er tímabili. Með sigri koma Stólarnir sér betur fyrir á stigatöflunni og því mikilvægt að ná góðum leik. Til þess þurfa Stólarnir góðan stuðning. Áfram Tindastóll!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.