Góðir gestir í FNV
Nemendur og kennarar í tveimur Erasmusverkefnum heimsóttu FNV í síðustu viku alls 24 mann frá Englandi, Eistlandi, Litháen, Portúgal, Tékklandi og Spáni. Á heimasíðu skólans kemur fram að annað verkefnið hafi verið forritunarverkefni, Girls with boys programming Europe, sem Sunna Gylfadóttir stýrði af hálfu FNV en hitt er handverksverkefni, Using ICT to preserve European craftmansship sem Kristján Bjarni Halldórsson stjórnaði fyrir FNV.
Gestirnir gistu á heimavist, á gistihúsum og heimahúsi og var dagskráin þétt. Vinnustofur voru þrívíddarprentun og Fablab í umsjón Karítasar Sigurbjargar Björnsdóttur, Eldsmíði í umsjón Björns Sighvatz, sýndarveruleiki og 360 gráðu kvikmyndir í umsjón Árna Gunnarssonar og Python forritun í umsjón Grétars Karlssonar. Einnig kynnti Halldór Snær Kristjánsson starfsemi leikjafyrirtækisins Myrkur Games.
„Ýmis konar afþreying var í boði, s.s. Lundasýningin, gönguferð um Skógarhlíð og Sauðárkrók, púttkeppni á golfvellinum, sund í Hofsósi, heimsókn til Arndísar í Vatnsleysu, Glaumbæjarsafn, Reykjafoss, Grettislaug o.fl. Hádegismatur var yfirleitt í mötuneytinu en einnig var borðað á ýmsum öðrum veitingastöðum í Skagafirði.
Nemendur FNV tóku vel á móti nemendum hinna landanna m.a. með því skipuleggja partýkvöld og að bjóða þeim að taka þátt í viðburðum sem nemendafélagið NFNV stóð fyrir. Gestirnir voru alsælir með dvölina og nokkrir náðu að skoða eldgosið á Reykjanesi áður þeir héldu af landi brott.
Framundan á skólaárinu eru þrjár ferðir í hvoru verkefni þar sem nemendur og kennarar FNV fara utan,“ segir á fnv.is.
Fleiri fréttir
-
Skólastúlkur hársbreidd frá sigri í Keflavík
feykir.is Skagafjörður, Íþróttir, Lokað efni 20.11.2024 kl. 23.37Stólastúlkur fengu verðugt verkefni í kvöld þegar þær heimsóttu Íslandsmeistara Keflavíkur í Blue-höllina í sjöundu umferð Bónus deildar kvenna. Stelpurnar okkar stóðu vel fyrir sínu en á lokamínútunum dró örlítið af liðinu og meistararnir mörðu sigur með einu stigi. Lokatölur 90-89,Meira -
Kjördæmaþáttur RÚV í beinu streymi á Feyki
feykir.is Skagafjörður, Austur-Húnavatnssýsla, Vestur-Húnavatnssýsla 20.11.2024 kl. 17.30Klukkan 18:10 í kvöld hefst fundur oddvita allra framboða í Norðvesturkjördæmi sem bjóða fram til kosninganna 30. nóvember nk. Þátturinn verður sendur út frá Ráðhúsi Akraneskaupstaðar en umfjölluninni stýra fréttamenn Ríkisútvarpsins, Freyr Gígja Gunnarsson og Gréta Sigríður Einarsdóttir. Allir oddvitar hafa boðað komu sína.Meira -
Ragnhildur sigraði Söngkeppnina á Menningarkvöldi NFNV
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 20.11.2024 kl. 13.31Menningarkvöld NFNV var haldið sl. föstudagskvöld í Íþróttahúsinu á Sauðárkróki. Mikill metnaður var settur í að gera kvöldið sem allra flottast. Ekki verður hægt að segja að veðrið hafi verið með nemendum í liði þetta kvöld, því veturinn skall á með látum og víða óveður og vetrarfæri sem setti þó ekki meira strik í reikninginn en það að rétt tæplega tvöhundruð manns létu veðrið ekki stoppa sig.Meira -
Börn á Íslandi, best í heimi!
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.11.2024 kl. 13.16Ef marka má tímann sem fer í samfélagsumræðu fullorðins fólks um aðstæður, líf og framtíð barna og ungmenna mætti ætla að börn hefðu aldrei haft það betra og að það að vinna með börnum og ungmennum séu mikilvægustu störf þjóðarinnar. Að vera foreldri og sinna fjölskyldulífi með börnum og ungmennum sé sannkallað virðingarhlutverk en ekki baggi á atvinnulífinu sem þurfi að leysa á sem ódýrastan hátt.Meira -
Himnastiginn tók flugið á ný
feykir.is Austur-Húnavatnssýsla, Lokað efni 20.11.2024 kl. 11.33Feykir sagði í fyrra frá því stórskemmtilega verkefni í Húnabyggð að byggja stiga upp á Skúlahól í Vatnsdalnum. Nú í byrjun september fauk stiginn, sem er kallaður Himnastiginn, hins vegar í sunnan hvassviðri og brotnaði en honum var fljótlega komið fyrir á ný. Nú fyrir helgi var bálhvasst í Vatnsdalnum og himnastiginn tók flugið á ný – mætti halda að hann sé í samkeppni við flugfélögin í áætlanarflugi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.