Góðan daginn, frú forseti
Alexandra Chernyshova, sem Norðlendingar þekkja vel vegna starfa hennar í sönglistinni, hefur ráðist í það stórvirki að semja óperu í þremur þáttum um ævi og störf frú Vigdísar Finnbogadóttur, sem fyrst kvenna var kjörin þjóðarleiðtogi í heiminum. Alexandra semur bæði tónlist og handrit en ljóðin eiga Sigurður Ingólfsson, Hannes Hafstein, Ásta Björk Sveinbjörnsdóttir, Þórhallur Barðason, og Elísabet Þorgeirsdóttir auk Alexöndru sjálfrar.
Hljómsveitin er skipuð 22 hljóðfæraleikurum og tveir kórar; Karlakór Grafarvogskirkju, kórstjóri Íris Erlingsdóttir og Kvennakór Suðurnesja, kórstjóri Dagný Jónsdóttir, fylla loftið söng ásamt einsöngvurum. Þeir eru; Alexandra Chernyshova, Jóhann Smári Sævarsson, Gissur Páll, Guðmundur Karl Eiríksson, Gerður Bolladóttir, Viðar Gunnarsson, Elsa Waage, Ingveldur Ýr Jónsdóttir, Hanna Þóra Guðbrandsdóttir, Ingibjörg Aldís Ólafsdóttir og Íris Sveinsdóttir. Hljómsveitarstjóri Garðar Cortes og konsertmeistarar Einar Bjartur Egilsson og Guðný Guðmundsdóttir.
Óperan er í þremur þáttum, samin fyrir ellefu einsöngvara, kóra og óperuhljómsveit. Textinn eða ljóðin í óperunni er á nokkrum tungumálum - íslensku, frönsku og ensku í samstarfi við ljóðskáldið Sigurð Ingólfsson og fleiri. Alexandra segir tónverkið byggt á heimildum um Vigdísi Finnbogadóttur. „Þrjú og hálft ár hefur farið í rannsóknarvinnu, þ.e. að afla efnis, ýmiskonar lestur og gerð handrits óperunnar. Það hefur ekki verið samin ópera um Vigdísi Finnbogadóttur áður og því er listrænt gildi verksins töluvert sem og fyrir útbreiðslu menningararfs Íslendinga, sem er mikilvægur þáttur í baráttu kvenna á alþjóðavísu. Óperan „Góðan daginn, frú forseti“ er samin til þess að gefa konum, og körlum, innblástur og segja sögu þessa merkilegu konu og atburði sem gerði Vigdísi Finnbogadóttur að fyrsta kvenforsetanum í heiminum,“ segir Alexandra.
Konsertuppfærsla af óperunni verður sýnd 23. október kl. 20:00 í Grafarvogskirkju og hægt að nálgast miða á Tix.is.
Fleiri fréttir
-
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.