Fyrsta skemmtiferðaskipið á Sauðárkrók síðan 1977
Um hádegisbilið í dag lagðist skemmtiferðaskipið Hanseatic Nature að bryggju á Sauðárkróki, það fyrsta frá árinu 1977 er þýska skipið World Discoverer sigldi inn Skagafjörðinn. Skipsins hefur verið beðið með eftirvæntingu í samfélaginu en alls eru fjórar komur bókaðar í sumar, tvær í júlí og tvær í ágúst.
Þýska skipið World Discoverer við bryggju
á Sauðárkróki í ágúst 1977. Í forgrunni
stendur Sveinn Nikódemusson hafnarstjóri.
Úrklippan er sótt á Tímarit.is.
Segja má að Skagafjörður hafi tekið ágætlega á móti ferðalöngum með blíðuveðri, sól og smá rigningarskúrum inn á milli. Engin vandræði voru fyrir skipstjórnendur að leggjast að bryggju enda má setja Hanseatic Nature í flokk smærri skemmtiferðaskipa, vart stærra en flutningaskipin sem reglulega koma við á ferð sinni um heimshöfin. Skipið kom frá Noregi og heldur síðan til Grænlands með allt að 230 farþega.
„Tilgangur með komu skemmtiferðaskipa í Skagafjörð er að lyfta undir með ferðaþjónustunni og fá hingað fleiri ferðamenn. Það er staðreynd að skemmtiferðaskip hafa reynst gríðarlega mikilvæg fyrir ferðaþjónustuaðila, veitingahúsa- og verslunareigendur á Siglufirði, Húsavík, Ísafirði, Seyðisfirði og fleiri stöðum á Íslandi. Ferðaþjónustuaðilar vítt og breitt um Skagafjörð eru með ferðir í sölu fyrir skipin og það eru ferðaþjónustufyrirtækin Iceland Travel og Atlantik sem sjá um að þjónusta skipin og selja ferðirnar fyrir ferðaþjónustuaðila. Ekki munu allir farþegar fara í ferðir, svo búast má við töluverðum fjölda ferðafólks á Sauðárkróki þessa daga,“ segir á heimasíðu Skagafjarðar.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.