Flestir hlynntir gerð 10 km vegganga undir Öxnadalsheiði
Í skoðanakönnun sem Gallup vann fyrir Samgöngufélagið, dagana 5. júlí til 8. ágúst sl. um vegamál á Norðurlandi, kemur fram að af sex tilgreindum valkostum voru flestir hlynntir gerð 10 km vegganga undir Öxnadalsheiði, 66% voru hlynnt gerð vegar um Húnavallaleið en 11,5% andvíg.
Tvær spurningar voru bornar undir íbúa á Norðurlandi sem varða vegamál í landshlutanaum.
Önnur spurningin var sem hér segir: „Hér fyrir neðan eru nokkrar leiðir til breytinga á vegsamgöngum milli Norðausturlands og suður- og vesturhluta landsins. Vinsamlegast merktu við þá tvo kosti sem þú telur vænlegast að ráðist verði í.“ (Fyrir aftan hvern kost er hundraðshluti þeirra sem merktu við hverja leið í könnuninni.)
• Gerð 10 km vegganga undir Öxnadalsheiði (40,7%).
• Gerð nýs vegar um svonefnda Húnavallaleið sunnan Blönduóss (36,0%).
• Gerð 15 til 20 km vegganga undir Tröllaskaga milli Sauðárkróks og Akureyrar (30,4%).
• Lækkun vegar um Holtavörðuheiði (30%).
• Uppbygging Kjalvegar milli Blöndudals austan Blönduóss og Gullfoss (22,8%).
• Gerð nýs vegar um svonefnda Vindheimaleið sunnan Varmahlíðar í Skagafirði (13,9%).
• Enga af ofantöldum (7,4%).
Önnur spurning var svohljóðandi: “Hversu hlynntur eða andvígur ert þú gerð vegar, svonefndrar Húnavallaleiðar sunnan Blönduóss, sem styttir leiðina milli Norðausturlands og suður- og vesturhluta landsins um allt að 14 kílómetra?”
Svör voru sem hér segir: Alfarið hlynntur - 29,2%, Mjög hlynntur - 18,7%, Frekar hlynntur - 18,4%, Hvorki hlynntur né andvígur- 22,2%, Frekar andvígur 3,4%, Mjög andvígur 2,4%, Alfarið andvígur - 5,7%.
785 einstaklingar 18 ára og eldri búsettir á Norðurlandi, nánar til tekið í póstnúmerum 530-691 eða Húnavatnshreppi til Vopnafjarðarhrepps, voru valdir af handahófi úr viðhorfahópi Gallup. Fjöldi þeirra sem svöruðu var 425 en 360 svöruðu ekki. Þátttökuhlutfall var því 54,1%.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.