Fjórði sigurleikur Kormáks/Hvatar í röð
Kormákur/Hvöt sigraði sinn fjórða leik í röð þegar að þeir lögðu lið Breiðhyltinga, KB, af velli á Blönduósi á laugardaginn. Leikurinn fór 3:1 fyrir heimamönnum en þeir skoruðu öll sín mörk á fyrsta hálftíma leiksins. KB menn minnkuðu síðan muninn um miðjan seinni hálfleik en það dugði ekki til.
Það var George Razvan Chariton sem skoraði fyrsta mark húnvetninga á 13. mínútu en þetta var hans þriðja mark í sumar. Á 23. mínútu fengu heimamenn vítaspyrnu sem Ingvi Rafn, spilandi þjálfari, tók og klúðraði. Markvörður breiðhyltinga virtist þó hafa þjófstartað á línunni og var því spyrnan tekin aftur og þá skoraði Ingvi Rafn, rétt skal vera rétt. Kormákur/Hvöt fengu síðan aðra vítaspyrnu á 30. mínútu. Fleiri fengu að sitja að borðinu og fékk því Akil Rondel Dexter De Freitas að taka þá spyrnu. Akil skoraði úr henni og þar með sitt fjórða mark í deildinni. Breiðhyltingar minnkuðu metin á 71. mínútu í seinni hálfleik en þar var á ferðinni Eyþór Guðmundsson. Fleiri urðu mörkin ekki og fjórði sigurleikur húnvetninga í röð því staðreynd.
Samkvæmt aðdáendasíðu Kormáks/Hvatar, hefur liðið ekki tapað heimaleik í 24 leikjum í röð. Húnvetningar sitja í þriðja sæti D-riðils fjórðu deildar með 12 stig, jafn mörg stig og Vængir Júpíters í því öðru. Lið Léttis situr á toppi deildarinnar með 13 stig og ljóst er að toppbaráttan verður spennandi í sumar.
Næsti leikur Kormáks/Hvatar er gegn Hvíta Riddaranum og fer leikurinn fram í Mosfellsbæ laugardaginn 19. júní klukkan 14.
/SMH
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.