Fjárhagsáætlun Húnavatnshrepps afgreidd
Hreppsnefnd Húnavatnshrepps kom saman þann 20. janúar og m.a. þess sem fór fram var síðari umræða um fjárhagsáætlun hreppsins. Þar kom fram að tekjur sveitarfélagsins eru áætlaðar rúmlega 315 milljónir, gjöld eru áætluð rúmlega 311 milljónir en rekstrarhagnaður tæplega 2,5 milljónir.
Sitt sýndist hverjum þegar til afgreiðslu á fjárhagsáætlun kom en fulltrúar minnihlutans létu bóka að fjárhagsstaða sveitarfélagsins hefði versnað til muna á milli ára og að rekstur hefði breyst til hins verra í valdartíð meirihlutans. Bygging húsnæði á Húnavöllum væri algjör tímaskekkja, sýnt væri að enginn hagnaður yrði af byggingu leiguíbúða og þörfin engin. Nær væri að leggja meiri metnað í að viðhalda núverandi byggingum og hlúa að atvinnuuppbyggingu á svæðinu. Fulltrúar minnihlutans lýstu sig mótfallna steinsteypustefnu meirihlutans og töldu að betur mætti fara með fé sveitarfélagsins.
Meirihlutinn taldi að fjárhagsáætlun fyrir árið 2009 ætti ekki að koma minnihlutanum á óvart þar sem hún hafi verið unnin í góðri samvinnu beggja aðila. Það ætti heldur ekki að koma þeim á óvart að rekstur sveitarfélagsins vesni í því ástandi sem nú sé í þjóðfélaginu. Gert sé ráð fyrir því að framlög frá Jöfnunarsjóði skerðist um allt að 19 milljónum, gjaldskrá hafi nær ekkert verið hækkuð, gert sé ráð fyrir gjaldfríum leikskóla 2009 og áframhaldandi viðhaldi Húnavallaskóla. Varðandi áframhaldandi uppbyggingu á Húnavöllum, telur meirihlutinn m.a. brýnt að byggja parhús sem lið í styrkingu samfélagsins, eins og það er orðað í bókun meirihlutans.
Fjárhagsáætlunin var samþykkt með fimm atkvæðum meirihlutans en fulltrúar minnihlutans sátu hjá í atkvæðagreiðslunni.
Heimild Húni.is
Fleiri fréttir
-
Grátlegt tap á móti Þór/KA
feykir.is Skagafjörður, Íþróttir, Lokað efni 22.04.2025 kl. 09.51Stólastelpur spiluðu sinn annan leik í Bestu deildinni í gær í Boganum á Akureyri á móti sterku liði Þórs/KA. Úrslit leiksins voru hins vegar sorgleg fyrir okkar stelpur sem töpuðu leiknum 2-1. Þegar þessi lið mættust síðast áttu Stólastelpur engan séns og fengu níu mörk á sig en annað var uppi á teningnum í gær. Donni, þjálfari stelpnanna, segir í samtali við visir.is að þær hafi verðskuldað sigur í leiknum miðað við vinnuframlagið, baráttuna og færin og algjört bull að Þór/KA hafi unnið leikinn.Meira -
Jólin heima er framúrskarandi verkefni á sviði menningar
feykir.is Skagafjörður 22.04.2025 kl. 09.30Verkefnið Jólin heima, sem hefur fest sig í sessi sem árviss menningarviðburður í Skagafirði, hefur verið valið Framúrskarandi verkefni ársins 2024 hjá SSNV. Tónleikarnir, sem leiddir eru af Jóhanni Daða Gíslasyni, hafa skapað sér sérstakan stað í hjörtum heimamanna.Meira -
Eitt stig komið á Krókinn
feykir.is Skagafjörður, Íþróttir, Lokað efni 22.04.2025 kl. 09.12Það var heldur betur veisla í Síkinu í gær þegar Stólarnir mættu Álftnesingum í fyrsta einvígi liðanna í 4-liða úrslitum. Það var von á leik sem enginn körfuboltaáhugamaður vildi missa af því þegar þessi tvö lið hafa mæst í vetur hafa verið hörkuleikir þar sem Tindastóll vann fyrri leikinn 109-99 í lok nóvember en síðari leikurinn fór 102-89 fyrir Álftanes í lok febrúar. En það var því miður ekki raunin því Stólarnir voru með tökin á leiknum allan tímann og unnu sannfærandi sigur, lokatölur 100-78.Meira -
Forsala hefst á morgun
feykir.is Skagafjörður, Austur-Húnavatnssýsla, Vestur-Húnavatnssýsla 21.04.2025 kl. 22.29Þann 23. október sl. hefði Stefán R. Gíslason tónlistarkennari, kórstjóri og organisti í Varmahlíð orðið sjötugur. Þann sama dag sagði sr. Gísli Gunnarsson á Hólum frá því á Facebook síðu sinni að hann hefði ákveðið, í samráði við fjölskyldu Stefáns, að stofna minningarsjóð í hans nafni. Nú hefur verið ákveðið að halda tónleika í fjáröflunarskyni fyrir sjóðinn.Meira -
Finnst ekki gaman að gera eins og allir hinir
feykir.is Skagafjörður, Lokað efni 21.04.2025 kl. 13.00Sigrún Helga Indriðadóttir á Stórhóli í Lýtingsstaðahreppi hinum forna, konan á bak við Rúnalist, móðir fimm barna, amma þriggja, bóndi, handlagin, listakona sem hleypti heimdraganum og fór í framhaldsskóla FVA á Akranesi og síðan í Garðyrkjuskóla ríkisins á Reykjum í Ölfusi. Hún hefur í gegnum tíðina unnið við ýmislegt, garðyrkju, malbikun, fiskvinnslu, í mötuneyti, á hóteli, við kennslu, landbúnaðarstörf, eigin matvælaframleiðslu og sinnt barnauppeldi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.