Fish Partner tekur við Blöndu og Svartá
Í frétt á mbl.is segir að félagið Fish Partner hefur samið við Veiðifélag Blöndu og Svartár um að taka að sér sölu á veiðileyfum á vatnasvæðinu næstu fimm árin. Um er að ræða umboðssölu fyrirkomulag en fram til þessa hafa leigutakar greitt fast leiguverð fyrir ána. Þetta fyrirkomulag hefur verið tekið upp víðar og eru Norðurá í Borgarfirði og Ytri Rangá dæmi um laxveiðiár þar sem slíkt fyrirkomulag hefur reynst vel.
Aðalfundur Veiðifélags Blöndu og Svartár samþykkti í vor að óska eftir tilboðum í vatnasvæðið. Í framhaldi af því var birt auglýsing og óskað eftir tilboðum. Fjórir aðilar buðu og eftir viðræður við tilboðsgjafa náðist samningur við Fish Partner.
Félagsfundur í félaginu var svo haldinn í félagsheimilinu á Blönduósi í gærkvöldi og þar lagður fyrir fundinn samningur sem stjórn hafði samþykkt með fyrirvara um afstöðu félagsfundar. Guðmundur Rúnar Halldórsson bóndi í Finnstungu og formaður Veiðifélagsins staðfesti í samtali við Sporðaköst að samningurinn hefði verið samþykktur með öllum greiddum atkvæðum og enginn verið á móti.
Samningurinn við Fish Partner gerir ráð fyrir því að sleppiskylda verði á öllum laxi á svæðinu, meðal annars í ljósi minnkandi laxgengdar í Blöndu. Eingöngu verður veitt á flugu. Veiðihúsið leigir Fish Partner allt árið.
Stefnt er að því að bæta við nýju svæði í Blöndu en það er ósaveiði neðst í ánni. Verða þar tvær stangir.
Guðmundur Rúnar Halldórsson, formaður segist í samtali við mbl.is ánægður með samninginn og væntir þess að vegur Blöndu og Svartár eflist á næstu árum. Hann staðfesti að nokkrir af góðkunningjum Blöndu hefðu þegar staðfest kaup á veiðileyfum næsta ár og þótti honum það góðs viti.
Fleiri fréttir
-
Fornverkaskólinn fékk góða heimsókn
feykir.is Skagafjörður, Austur-Húnavatnssýsla, Vestur-Húnavatnssýsla 26.09.2024 kl. 13.10Dagana 17.-18. september fékk Fornverkaskólinn nemendahóp af arkitektúrdeild Listaháskóla Íslands í heimsókn. Hópurinn kom í Skagafjörð m.a. til að kynnast torfarfinum á Íslandi en eins og margir vita er af nógu að taka í þeim efnum í firðinum. Dagskráin hófst með kynningu á Víðimýrarkirkju. Þá var farið á skrifstofuna í Glaumbæ þar sem hópurinn fékk kynningu á torfi, mismunandi hleðslugerðum og verkfærum svo fátt eitt sé nefnt, og loks var gengið um sýningarnar á safnsvæðinu.Meira -
Nóg um að vera hjá Pílukastfélagi Skagafjarðar
feykir.is Skagafjörður, Íþróttir 26.09.2024 kl. 12.49Fyrsta mót Kaffi Króks mótaraðarinnar fór fram þriðjudagskvöldið 24. sept. og tóku fimmtán manns þátt að þessu sinni. Stemningin var góð og keppt var í þremur riðlum. Að þeim loknum var leikið til úrslita í hverjum riðli fyrir sig og enduðu leikar þannig að í C-riðli var Heiðar Örn sigurvegari. Í B-riðli sigraði Alexander Franz og í A-riðli var það svo Jón Oddur sem stóð uppi sem sigurvegari, glæsilega gert hjá þeim.Meira -
Hvað segir það um málstaðinn? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Fréttir 26.09.2024 kl. 09.20„Ég á enn eftir að hitta þann aðila í viðskiptalífinu sem vildi frekar 29 tvíhliða viðskiptasamninga í stað eins,“ sagði Þórdís Kolbrún Reykfjörð Gylfadóttir utanríkisráðherra á málþingi í tilefni af 30 ára afmæli EES-samningsins fyrr á árinu þar sem hún beindi spjótum sínum að þeim sem bent hafa á mikla og vaxandi ókosti aðildar Íslands að samningnum. Hins vegar er vandséð hvað ráðherrann átti við enda virtist hann hafa verið að halda því fram að heyrði EES-samningurinn sögunni til þýddi það meðal annars endalok Evrópusambandsins.Meira -
Konukvöld hjá Pílukastfélagi Skagafjarðar í kvöld
feykir.is Skagafjörður, Íþróttir 25.09.2024 kl. 15.49Í kvöld, miðvikudaginn 25. september, milli kl. 20-22 ætlar Pílukastfélag Skagafjarðar að halda konukvöld í aðstöðuhúsi félagsins að Borgarteig 7 á Sauðárkróki. Sylvía Dögg Gunnarsdóttir, ein af meðlimum klúbbsins, ætlar að vera til handar fyrir þær konur sem mæta í kvöld og vilja fá smá leiðsögn í pílukasti. Pílukastfélagið hvetur allar konur sem hafa áhuga á að prufa pílu að mæta og hafa gaman saman.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.