Fannar og félagar í KR b lutu í lægra haldi fyrir Stólunum
Tindastólsmenn gerðu aldrei þessu vant góða ferð í DHL-höllina um helgina. Andstæðingurinn var því miður B-lið KR en leikurinn var liður í Maltbikarnum. Sigurinn var öruggur en sérstaklega léku Stólarnir góða vörn í síðari hálfleik. Lokatölur 63-101.
Ólafur Ægisson kom heimamönnum í 3-2 með 3ja stiga körfu sem Pétur svaraði síðan í sömu mynt. Eftir það tóku gestirnir frumkvæðið og upp úr miðjum fyrsta leikhluta skildu leiðir. Staðan var 21-32 að honum loknum og heimamönnum tókst aðeins að krafsa í forystu Stólanna framan af öðrum leikhluta en Stólarnir bættu í fyrir hlé. Staðan 42-57 í leikhléi.
Stólarnir komu einbeittir til leiks í síðari hálfleik og KR b komst ekki á blað fyrr en um miðjan þriðja leikhluta. Þá var munurinn orðinn 25 stig. Tindastóll sigraði þriðja leikhluta 22-11 og fjórða leikhluta 22-10 og leikinn því sem fyrr segir 63-101.
Allir leikmenn Tindastóls fengu að njóta sín í leiknum og flestir að spila í kringum 15 mínútur; nema Pétur sem lék í 27 mínútur. Hann var stigahæstur með 16, Samb kom næstur með 15 stig en KR-ingar voru iðnir við að brjóta á kappanum og Caird setti sömuleiðis niður 15 stig. Þá var Svabbi með 7 stig og 12 fráköst. Allir leikmenn Tindastóls komust á blað en annars má lesa nánar um stigaskor leikmanna hér >
Í liði KR var Ólafur Ægisson með 14 stig en næstir honum komu Magnús Helgason og Fannar Ólafsson með 11 stig hvor. Fyrrum Tindastólsmaðurinn, Skarphéðinn Freyr Ingason, náði sér ekki alveg á strik í leiknum og setti niður 4.
Fleiri fréttir
-
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira -
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira -
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.