Fæddi barn á Þverárfjallsvegi
Hún var ekki að láta bíða eftir sér litla stúlkan sem kom í heiminn á Þverárfjallsvegi á mánudagskvöldið en verið var að flytja móðurina, Jenný Lind Sigurjónsdóttur, í sjúkrabíl til Akureyrar þar sem fæðingin átti auðvitað að fara fram. Að sögn Jennýjar er líðan þeirra mæðgna góð en þær eru komnar heim eftir að hafa gist eina nótt á Akureyri.
Jenný býr ásamt barnsföður sínum, Ingimar Vignissyni, á Skagaströnd og skrifar hún á Facebook-síðu sína að loksins hafi kraftaverkið komið sem tók þau fjögur ár að búa til, þrjár glasameðferðir og ansi mörg tár.
„Hún var alveg sultuslök fram á 41. viku og þá ákvað mín bara að mæta og það með hraði. Hringdum á sjúkrabíl sem ætlaði að bruna með okkur á Akureyri, Arna ljósmóðir kom á móti okkur frá Króknum en við náðum nú ekki lengra en rétt upp á Þverárfjall, þar sem við urðum bara að gjöra svo vel að leggja út í kant og klára þetta.“
Jenný segist hafa verið svo heppin að Anna María, sem einnig er ljósmóðir, hafi ákveðið að bruna með Örnu þannig að þær mæðgur voru í góðum höndum.
„Og sjúkraflutningamennirnir stóðu sig eins og hetjur. Beggi, sem er búin að þekkja mig frá því að ég var ungabarn, og Einar Óli, sem var orðinn frekar stressaður held ég, að þetta barn myndi bara mæta áður en við hittum á ljósmóðurina. Og tala nú ekki um viðbragðsaðilana sem fylltu húsið hjá okkur og héldu mér rólegri þangað til að sjúkrabíllinn kom.“
Stúlkan fæddist klukkan 21:07 eftir tveimur tímum eftir að Jenný varð fyrst vör við það að eitthvað gæti verið að gerast sem tengdist fæðingu barnsins, 16 merkur og 52 sm.
Feykir óskar hinum nýbökuðu foreldrum til hamingju!
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.