“Ertu viss” Gísli Sigurðsson
Það hefur löngum verið plagsiður í aðdraganda kosninga hjá aðstandendum sumra flokka að halla réttu máli gagnvart pólitískum andstæðingum og gera þeim upp skoðanir, ekki síst í tveggja manna tali. Það ber hins vegar nýrra við þegar 3. maður á lista Sjálfstæðisflokksins gerir slíkt með opinberum hætti á síðum Feykis, ber á undirritaðan ætlaðan stuðning við áform meirihlutans um gerð skrúðgarðs á æfingavöllunum við Nafirnar!
Flestum má vera ljóst að ekkert framboð hefur haft uppi öflugri málflutning til varnar glæsilegu íþróttasvæði í hjarta bæjarins en fulltrúar VG, svo sem sannreyna má í fundargerðum sveitarfélagsins, t.d. 19. maí 2009 og síðastliðinn þriðjudag. Við höfum haldið þessari afstöðu einarðlega á lofti undanfarin misseri og verið harla ein um það á vetvangi sveitarstjórnar, nema ef vera kynni nú síðustu dagana fyrir kosningar.
Ég hef aldrei verið talsmaður þess að gert skuli ráð fyrir æfingasvæði í Sauðárkílum, úr tengslum við glæsilegan aðalleikvang, þrátt fyrir að hafa ekki tekið það sérstaklega fram í bókun. Ég hef ekki heldur bókað sérstaklega um menningarhús við Árskóla en verð þó seint talinn fylgjandi því. Ég vil taka það fram, að sem áheyrnarfulltrúi í Skipulags- og byggingarnefnd, hef ég ekki atkvæðisrétt í afgreiðslu mála úr nefndinni, ólíkt Gísla Sigurðssyni, sem notaði ekki tækifærið til að koma skoðunum sínum á framfæri, heldur kaus að bóka hjásetu.
Það er skondið að degi eftir að Gísli Sigurðsson, ásamt öðrum fulltrúum sjálfstæðisflokksins, kaus að taka ekki afstöðu og sat hjá þegar sveitarstjórn samþykkti að setja rammaskipulag fyrir Sauðárkrók í kynningu, skyldi birtast eftir hann grein þar sem hann lýsir andstöðu við að gengið sé á íþróttasvæðið eins og gert er ráð fyrir í skipulagstillögunni. Á sveitarstjórnarfundinum talaði hann af myndugleik gegn því að svo yrði gert en fylgdi svo ekki eftir þeirri afstöðu með atkvæði sínu. Eitt er að tala en annað að standa á afstöðu sinni. Hver mun afstaðan verða þegar á hólminn verður komið? Hversu naglfastar eru yfirlýsingar nú um mikilvægi þess að standa vörð um íþróttasvæðið? Einungis VG reyndist andvígt því að setja í kynningarferli rammaskipulag sem gerði ráð fyrir því að valda óbætanlegum skaða á einu glæsilegasta íþróttasvæði landsins.
Gísli Árnason
Skipar 2. sætið á lista VG í Skagafirði
Fleiri fréttir
-
Sigur í æfiingaleik gegn FH í frumraun bandarísku stúlknanna
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 31.03.2025 kl. 15.53Lið Tindastóls í Bestu deild kvenna í knattspyrnu hefur samið við þrjár bandarískar stúlkur um að leika með liðinu í sumar. Það eru Grace Pettet sem er örvfættur varnarmaður, framherjinn Makala Woods og markvörðurinn Genevieve Crenshaw en hún er reyndar enn ekki kominn með leikheimild þó Donni þjálfari sé bjartsýnn á að það styttist í það. Áður var búið að segja frá því að hin þýska Nicole Hauk væri genginn til liðs við lið Tindastóls.Meira -
Íbúasamráð um sameiningarviðræður Dalabyggðar og Húnaþings vestra
feykir.is Vestur-Húnavatnssýsla 31.03.2025 kl. 12.35Verkefnisstjórn um óformlegar viðræður um sameiningu Dalabyggðar og Húnaþings vestra boðar til íbúafunda í Dalabúð þann 8. apríl kl. 17:00-19:00 og í Félagsheimilinu á Hvammstanga þann 9. apríl kl. 17:00-19:00.Meira -
Hljómbrá á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 31.03.2025 kl. 11.47Tríóið Hljómbrá sem skipað er „brussunum úr Blönduhlíðinni“ þeim Gunnu í Miðhúsum, Kollu á Úlfstöðum og Írisi Olgu í Flatatungu heldur sína fyrstu tónleika á Löngumýri, þriðjudaginn 1. apríl kl. 20.00.Meira -
Siglingaklúbburinn Drangey, frestar aðalfundi
feykir.is Skagafjörður 31.03.2025 kl. 11.40Stjórn félagsins hefur ákveðið að fresta aðalfundi félagsins sem fyrirhugaður var miðvikudaginn 2. apríl um eina viku til miðvikudagsins 9. apríl vegna óviðráðanlegra utanaðkomandi aðstæðna.Meira -
Miklu stærra en Icesave-málið | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 31.03.2025 kl. 11.30Málið sem kennt er við bókun 35 við EES-samninginn er í raun miklu stærra en bæði Icesave-málið og málið varðandi þriðja orkupakka Evrópusambandsins. Miklir fjárhagslegir hagsmunir voru í húfi í Icesave-málinu sem snerist þó einungis um eina tiltekna lagagerð sambandsins. Tilskipun þess um innistæðutryggingar. Þriðji orkupakkinn varðar að sama skapi mikla hagsmuni í orkumálum en snýst þó að sama skapi um afmarkað regluverk.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.