Ertu með skjólu á höfðinu?
Nemendur í 5. - 7. bekk Varmahlíðarskóla tóku þátt í Nýyrðasamkeppni sem Íslensk málnefnd ásamt fleiri stofnunum stóðu að. Tveir nemendur í 5. bekk Varmahlíðarskóla fengu viðurkenningu fyrir sínar tillögur.
Gréta María Halldórsdóttir fékk 1. verðlaun fyrir orðið skjóla í staðinn fyrir orðið buff og Sigfinnur Andri Marinósson fékk viðurkenningu ásamt 6 öðrum nemendum. Íslensk málnefnd hleypti nýyrðakeppninni af stokkunum á degi íslenskrar tungu 16. nóvember síðastliðinn. Alls bárust úrlausnir frá 1763 nemendum í 82 skólum um land allt.
Ákveðið var að veita fyrstu verðlaun fyrir tillögu um að nota orðið skjóla fyrir buff. Vakin er athygli á því að orðið skjóla sé að vísu haft um fötu, en í orðinu felist að það geti verið haft um eitthvað sem „veitir skjól“ og það geri þetta fat svo sannarlega.
Annað orð fyrir buff, strokkur, kom ríflega 26 sinnum fyrir en það er einnig notað um ílát til þess að strokka rjóma.
Markmið keppninnar er að vekja athygli á því að unnt er að nota íslensk orð þar sem oft eru notuð erlend orð eða slettur. Aðstandendur keppninnar telja að það markmið hafi náðst.
Fleiri fréttir
-
Ert þú í Verslunarmannafélagi Skagafjarðar?
feykir.is Skagafjörður, Austur-Húnavatnssýsla, Vestur-Húnavatnssýsla 22.04.2025 kl. 13.45Verslunarmannafélag Skagafjarðar hefur ákveðið að bjóða félagsfólki sínu á leiksýningu Leikfélags Sauðárkróks í Sæluvikunni. Sýndur verður farsinn FLÆKTUR Í NETINU sem er ærslafullur gamanleikur eftir Ray Cooney í leikstjórn Valgeirs Skagfjörð. Frumsýning verður sunnudaginn 27. apríl kl. 20:00 og er listi yfir félagsfólk Verslunarmannafélagsins í miðasölunni. Þeir sem ætla að nýta sér boðsmiðann þurfa að hringja og panta miða hjá leikfélaginu í síma 849-9434.Meira -
Diskósúpa í Hlöðunni á Stórhóli
feykir.is Skagafjörður 22.04.2025 kl. 13.35Næstkomandi laugardag 26. apríl verður Diskósúpa í Hlöðunni á Stórhól í Skagafirði frá klukkan 12-15.Meira -
Karlakórinn Lóuþrælar með sína árlegu vortónleika
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 13.15Það er komið að vortónleikum Karlakórsins Lóuþræla en þeir verða haldnir þann 23. apríl kl. 20:00 í Félagsheimilinu á Hvammstanga. Tónleikarnir eru orðnir fastur liður á vorin en kórinn var stofnaður í febrúar 1985 og eru því 40 ára á þessu ári.Meira -
Sumarhátíð á Hvammstanga
feykir.is Skagafjörður 22.04.2025 kl. 12.45Haldið verður upp á sumardaginn fyrsta á hefðbundinn hátt þann 24. apríl nk. á Hvammstanga. Hátíðin hefst með skrúðgöngu frá Félagsheimilinu á Hvammstanga klukkan 13:00. Farinn verður hefðbundinn hringur með viðkomu á Sjúkrahúsinu.Meira -
130 ökumenn kærðir fyrir of hraðan akstur yfir páskahelgina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.04.2025 kl. 11.42Lögreglan á Norðurlandi vestra segir að talsverður erill hafi verið í embættinu yfir páskahátíðina en alls voru skráð rúm 240 mál frá miðnætti á miðvikudag, fram til miðnættis á mánudag. Mikið var um skemmtanahöld sem fóru að mestu vel fram og var fylgst gaumgæfilega með ástandi og réttindum ökumanna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.