Elísa Bríet og Katla Guðný æfa með U15
30 manna leikmannahópur hefur verið valinn til að taka þátt í úrtaksæfingum U15 ára landsliðs kvenna. Tvær Tindastólsstúlkur komust í gegnum nálaraugað en þær Katla Guðný Magnúsdóttir og Elísa Bríet Björnsdóttir hafa verið kallaðar til æfinga dagana 11.-13. janúar.
Æft verður í Miðgarði í Garðabæ undir stjórn Magnúsar Arnar Helgasonar þjálfara U15 kvk. Bæði Katla og Elísa hafa verið að æfa og spila með meistarflokki Tindastóls í vetur en þær eru fæddar árið 2008, Katla Króksari en Elísa frá Skagaströnd.
Fram kemur í frétt á Facebook-síðu stuðningsmanna Tindastóls að Elísa lék með U-15 landsliðinu í Póllandi í haust og stóð sig frábærlega. „Elísa er gríðarlega góður miðjumaður sem býr yfir ótrúlegri tækni og getur sent boltann með hægri og vinstri auk þess sem hún hefur gríðarlega mikla hlaupagetu. Katla er eldfljót og áræðinn sóknarmaður sem skoraði tæp 40 mörk í sumar með 2.fl, 3. fl og 4. flokki. og lagði upp nokkur mörk líka,“ segir Tóti þjálfari um stelpurnar.
Stelpurnar spiluðu síðasta sumar með sameiginlegum liðum Tindastóls/Hvatar/Kormáks. Auk stúlknanna tveggja frá liði Tindastóls eru fjórar aðrar stúlkur utan suðvesturshorninu í æfingahópnum; tvær frá Þór/KA, ein frá Sindra Hornafirði og ein úr ÍBV.
Fleiri fréttir
-
Dagný Rósa ráðin fræðslustjóri í A-Hún
feykir.is Austur-Húnavatnssýsla, Mannlíf 27.08.2024 kl. 16.34Á fundi stjórnar Félags- og skólaþjónustu A-Hún föstudaginn 16. ágúst 2024 var samþykkt að ráða Dagnýju Rósu Úlfarsdóttur í starf fræðslustjóra. Í framhaldi af uppsögn fræðslustjóra, Þórdísar Hauksdóttur, þann 26. júní sl. samþykkti stjórn byggðasamlagsins óformlega að staðan yrði auglýst hið fyrsta.Meira -
Horfir til betri vegar í rafhleðslumálum í Skagafirði
feykir.is Skagafjörður 27.08.2024 kl. 14.35„Sveitarfélagið Skagafjörður hefur verið í samskiptum við nokkra aðila sem hafa sýnt því áhuga að byggja upp öflugri innviði í formi rafhleðslustöðva í Skagafirði. Má þar nefna Orku náttúrunnar sem hefur hug á að koma upp nýjum hleðslustöðvum á Sauðárkróki, í Varmahlíð og á Hofsósi,“ segir Sigfús Ingi Sigfússon, sveitarstjóri Skagafjarðar, þegar Feykir spurði hann hvort sveitarfélagið væri að vinna að því að fjölga rafhleðslustöðvum í Skagafirði.Meira -
Tré ársins 2024 í Varmahlíð Skagafirði
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 27.08.2024 kl. 14.10Í tilefni útnefningar Tré ársins 2024 verður viðburður í Varmahlíð í Skagafirði sunnudaginn 8. september nk. kl. 16:00.Meira -
Ótrúlegar myndir af Siglufjarðarveginum
feykir.is Skagafjörður, Fréttir 27.08.2024 kl. 12.10Fljótamaðurinn Halldór Gunnar á Molastöðum skrapp í hjólatúr í gær með drónann í bakpokanum. Leiðin lág yfir Almenninga sem hafa verið lokaðir fyrir bílaumferð síðan síðdegis á föstudag eftir úrhellisrigningu á Tröllaskaganum og Norðurlandi öllu.Meira -
Gestadagur á Reynistað
feykir.is Skagafjörður, Austur-Húnavatnssýsla, Vestur-Húnavatnssýsla 27.08.2024 kl. 11.32Gestadagur á fornleifasvæðinu á Reynistað í Skagafirði laugardaginn 31. ágúst kl. 14:00. Boðið verður upp á leiðsögn, á ensku og íslensku, um uppgröftinn sem fró fram í sumar. Þeir sem hafa áhuga á að mæta koma við Reynistaðakirkju. Allir velkomnirMeira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.