Ein stefna í flugvallarmálum!
Staða Reykjavíkurflugvallar hefur verið talsvert í umræðunni eftir að opinberaðir voru samningar um sölu ríkisins til Reykjavíkurborgar á 112.000 fermetrum í Vatnsmýrinni og að þar eigi að rísa 800 íbúðir. Enn ótrúlegra var að sjá að fulltrúar ríkisstjórnarinnar og borgarstjórnarmeirihlutans skuli hafa valið að skrifa undir samningana í flugstöðvarbyggingunni í Reykjavík.
Framsókn sagði strax að um væri að ræða mjög alvarlegar fréttir fyrir landsbyggðina og landsmenn alla. Það að flugvöllurinn verði áfram í Vatnsmýrinni er einfaldlega eitt af stærstu hagsmunamálum fólks sem býr úti á landi og þarf nauðsynlega á góðum flugsamgöngum að halda við höfuðborgina.
Framsókn vill flugvöllinn áfram í Vatnsmýrinni!
Þetta sýnir hver pólitískur vilji ýmissa stjórnmálaflokka er í þessu máli og ótrúlegt að fylgjast með því hvernig menn komast upp með hafa eina stefnu í Reykjavík og aðra úti á landi. Staðsetning flugvallarins í Vatnsmýrinni er gríðarlega mikilvæg fyrir landið allt. Stór hluti af stjórnsýslu landsins er í Reykjavík og nálægðin við sjúkrastofnanir er mjög mikilvæg. Þetta er óumdeilanlega fyrsta skrefið í því að flytja flugvöllin úr Vatnsmýrinni og það verður að stöðva með öllum tiltækum ráðum.
Þingmenn og frambjóðendur Framsóknar eru sammála um mikilvægi þess að flugvöllurinn sé áfram í Vatnsmýrinni og hafa ekki tvær stefnur í þessu máli líkt og tíðkast hjá öðrum stjórnmálaflokkum. Stefnan er skýr og hún var ítrekuð á nýafstöðnu flokksþingi.
Stefna Framsóknar í flugvallarmálum: “Flugvöllurinn í Reykjavík verði áfram í Vatnsmýrinni sem hornsteinn fyrir samgöngur landsmanna, vegna almennings- og öryggishagsmuna”.
Þetta getur ekki orðið mikið skýrara!
Ásmundur Einar Daðason, alþingismaður Framsóknarflokksins. Skipar 2. sæti á framboðslista Framsóknar í NV-Kjördæmi.
Frosti Sigurjónsson, rekstrarhagfræðingur. Skipar 1. sæti á framboðslista Framsóknar í Reykjavík norður
Vigdís Hauksdóttir, alþingismaður. Skipar 1. sæti á framboðslista Framsóknar í Reykjavík suður
Fleiri fréttir
-
Miðasalan hefst í dag
feykir.is Skagafjörður, Lokað efni 23.04.2025 kl. 15.00Leikfélag Sauðárkróks frumsýnir nú næskomandi sunnudag 27.apríl leikritið „Flæktur í netinu“ í leikstjórn Valgeirs Skagfjörð. Miðasala hefst í dag, miðvikudag á tix.is.Meira -
Faxi er kominn heim
feykir.is Skagafjörður 23.04.2025 kl. 14.22Að morgni dags 21. júlí 2023, sagði Feykir frá því að Faxi hafi tekið á flug á vit nýrra ævintýra. Næsti áfangastaður var Reykjavík þar sem hann var gerður sýningarhæfur og hafður á sýningu á Korpúlfsstöðum. Þegar þeirri sýningu lauk hélt hann til Þýskalands þar sem færa átti kappann í brons áður en hann kæmi aftur heim á Sauðárkrók.Meira -
Rafrænt Sjónhorn kom út í dag
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 13.52Vegna mikillar eftirspurnar var tekin ákvörðun um að gefa út rafrænt eintak af Sjónhorni fyrir Sjónhornþyrsta fólkið á svæðinu. Þetta blað fer því ekki inn um lúgurnar í pappírsformi - það verður einungis hægt að skoða það á netinu. Ástæðan fyrir því að ekki var hægt að gefa út prentað blað er sú að frídagar í þessari viku gerðu það að verkum að ekki var hægt að setja blaðið upp né dreifa því á tilsettum tíma.Meira -
Landsnet með opinn fund í Eyvindarstofu á Blönduósi miðvikudaginn 30. apríl kl. 16
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.39Þann 30. apríl nk. verður Landsnet með opinn fund í Eyvindarstofu á Blönduósi kl. 16:00 þar sem farið verður yfir og kynnt hvernig þau ætla að byggja upp öflugt, sveigjanlegt og sjálfbært flutningskerfi fyrir framtíðina. Þessi fundur er einn af átta sem Landsnet verður með í ferð sinni um landið þar sem þau ætla að ræða við fólk, svara spurningum og hlusta. Þetta er opið samtal og þú ert hluti af því.Meira -
Vorfagnaður í Árgarði
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.30Laugardaginn 26. apríl nk. kl 20:00 verður vorinu fagnað í Árgarði. Til stendur að borða saman kótilettur með tilheyrandi meðlæti. Tala, syngja og dansa saman inn í nóttina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.