Covid-19 smit komið upp í FNV
Vegna Covid- smits sem kom upp hjá Fjölbrautaskóla Norðurlands vestra fellur allt skólahald niður í dag samkvæmt skilaboðum sem send voru nemendum og foreldrum í morgun. Óvíst er hvað áhrif þessa smits eru víðtækt en þó ljóst að sýning Leikfélags Sauðárkróks á Ronju ræningjadóttur fellur niður í dag, þar sem einn leikarinn er kominn í sóttkví.
Ingileif Oddsdóttir, skólameistari FNV, segir í samtali við Feyki að einn nemandi hafi reynst smitaður og farið í einangrun og í samráði við sóttvarnateymi hafi verið ákveðið að þrír aðrir nemendur auk eins kennara færu í sóttkví en aðrir tengdir skólastarfinu þurfi að viðhalda smitgát. Í öryggisskyni ákváðu skólastjórnendur að fella niður allt skólahald í dag en Ingileif segir að kennsla verði með óbreyttu sniði í helgarnámi skólans.
Vegna þess ástands sem upp er komið fellur sýning Leikfélags Sauðárkróks niður í dag en einn leikaranna þurfti að sæta sóttkví og aðrir að viðhalda smitgát enda margir þeirra nemendur FNV. Sigurlaug Dóra Ingimundardóttir, formaður félagsins, segir að áframhaldið verði svo skoðað í dag hvort einhver möguleiki verði að sýna um helgina. Biður hún fólk að fylgjast með á Facebooksíðu félagsins en hringt verður í alla sem eiga pantað ef sýningar falla niður.
Mikið um hraðpróf
Fjöldi manns mættu í hraðpróf á heilsugæsluna á Sauðárhæðum í morgun og myndaðist löng röð próftaka. Kristrún Snjólfsdóttir, yfirhjúkrunarfræðingur, segist ekki geta sagt til um hvort um nemendur eða kennara skólans sé að ræða en taldi þó blanda af þeim og þeirra sem séu að taka prófið vegna einhverra viðburða sem viðkomandi eru að fara á um helgina. Sagði hún óvenju marga hafa komið í morgun en allir fengið neikvætt úr sýnum prófum. Þau sem send voru í sóttkví fara ekki í próf fyrr en að fimm dögum liðnum.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.