Burtséð frá því hvernig leikar fara
Það fer ekki á milli mála hvert mál málanna er þessa dagana, jú körfubolti. Rimma Tindastóls og liðs Skagfirðingsins sr. Friðriks Friðrikssonar, Vals á Hlíðarenda, í úrslitaeinvígi Subway-deildarinnar er í brennidepli. Blóðug barátta leikmanna, kæra dómaranefndar, miðasöluágreiningur, níðsöngvar stuðningsmannasveita og bjórþamb áhorfenda rata milli tanna fólks og það sem kannski fáir taka eftir, ruslatínsla gesta.
Rithöfundurinn Þorgrímur Þráinsson veitti því þá athygli eftir leik Vals og Tindastóls sl. laugardag að Skagfirðingarnir í stúkunni vildu skilja vel við áhorfendastúkuna en hann skrifaði á Facebook-síðu sína:
„Burtséð frá því hvernig leikar fara. Burtséð frá því hvað er sagt eða sungið á pöllunum í hita leiksins. Burtséð frá því hvort liðið fer með sigur af hólmi, þá ber ég virðingu fyrir þeim sem taka til eftir sig og sitt lið.
Eftir sigur Tindastóls á Val í fyrsta leik úrslitaeinvígisins í körfuknattleik karla tóku stuðningsmenn Tindastóls til eftir sig á pöllunum og stúkunni. Þeir hreinsuðu upp dósir, flöskur, glös og drasl án þess að vera beðnir um það. Þetta gerðu þeir líka í fyrra, eftir tapleik gegn Val.
Þetta er hluti af sönnum anda íþróttanna, að láta aldrei kappið bera fegurðina ofurliði. Við fullorðna fólkið erum fyrirmyndir og það er alltaf sterkast að sýna það í verki frekar en að reyna að segja hvað eigi að gera. Og hvað ekki. Takk Tindastóll.“
Hvort þetta er táknrænt fyrir sópinn alræmda, þegar annað liðið sópar hinu út, er ekki vitað en alls ekki útilokað.
Fleiri myndir er hægt að skoða á Facebook-síðu Þorgríms Þráinssonar.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.