Brimskaflar lífsins | Leiðari 12. tbl. Feykis
Að liggja á spítala getur verið góð skemmtun. Undirritaður þurfti í ársbyrjun að leita sér hjálpar vegna augnvandamála og fékk að dvelja á Landspítalanum í ellefu daga. Eftir að hafa séð allt í móðu í nokkrar vikur tók augnlæknirinn minn fram galdraverkfærin sín og smám saman varð ljós. Hann vildi hafa auga með mér, vandræðagarminum, og fannst rétt að ég tæki gluggasæti á 12G.
Handan við tjaldið sem skipti herberginu lá bandarískur ferðamaður á áttræðisaldri og konan hans var tíður gestur hjá honum. Við Íslendiingar erum nú ekki alltaf hrifnir af þessum símalandi Könum en þetta reyndust eðaleintök, töluðu að sjálfsögðu mikið en voru yndislega hress og jákvæð.
Þau höfðu verið á ferðalagi með svolitlum hópi og farið um landið í fylgd leiðsögukonu sem síðar var svo almennileg að heimsækja þau á herbergið með blóm, bakkelsi og gleði í hjarta og var þá mikið hlegið – sérstaklega að ástæðu þess að kappinn lá fárveikur á spítala. Á síðasta degi ferðalagsins hafði hópurinn gengið inn í Langjökul og skoðað íslensk tröll í bakaleiðinni. Þá hafði hann ákveðið að kenna ferðafélaga sínum hvernig á að framleiða hiksta. Það gerði hann með því að slá létt undir bringuspalirnar á sér, fékk í kjölfarið verki og var fluttur á spítala. Það kom í ljós að hann hafði að öllum líkindum gert holu á veiklað lunga sitt með þessum bringuslætti. Heimferðin dróst því um tæpan hálfan mánuð með tilheyrandi kostnaði og ólíklegt að veskið leyfði frekari ferðalög næstu árin.
Eitt það síðasta sem þau gerðu áður en þau kvöddu Lansann var að svara þjónustukönnun frá fyrirtækinu sem þau höfðu ferðast með um landið. Það var ánægjulegt að heyra að flestar heimsóknir þeirra fengu einkunnina excellent og í raun voru þau ánægð með allt sem boðið var upp á – meira að segja hina heimsfrægu íslensku hot dog. Að vísu höfðu þau ekki séð mikið af norðurljósum í norðurljósaferðinni en þau voru svo dolfallin yfir því hvað Ísland var ólíkt því sem þau höfðu áður upplifað að það virtist nánast sama hvað þeim hefði verið sýnt. Meira að segja kynningarferð milli styttnanna í Reykjavík var skemmtileg.
Jákvætt hugarfar og samheldni getur gert baráttuna við brimskafla lífsins töluvert þægilegri. Þessi hjón hefðu örugglega verið Dúdda á Skörðugili að skapi – þau virtust í það minnsta hafa vit á því að vera í góðu skapi þó aðstæður þeirra væru erfiðar.
Óli Arnar Brynjarsson
ritstjóri Feykis
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.