Blikastúlkur heimsækja Krókinn í Lengjubikarnum
Það er sturluð staðreynd að framundan er síðasta helgin í febrúar, tíminn flýgur og á morgun er fyrsti alvöru fótboltaleikurinn þetta árið á Sauðárkróksvelli. Stólastúlkur eru að undirbúa sig fyrir sumar í Bestu deildinni og taka þátt í Lengjubikarnum. Fyrstu gestir ársins á Sauðárkróksvöll eru Blikastúlkur og þar eru því engir aukvisar á ferð.
Leikurinn hefst kl. 14 og fyrr í vikunni hafði Feykir sagt frá veðurspá fyrir leikinn. Hún hefur að sjálfsögðu breyst og eru þar á ferð bæði góðar og vondar fréttir. Þannig er ólíklegt að það rigni eins og spáð var og hitastigin verða fleiri eða líklega átta stykki í plús, sem er gott, en hins vegar hefur bætt í vindinn og er reiknað með um 13 m/sek meðan á leik stendur. Engar gular eða appelsínugular viðvaranir eru í kortunum þannig að það ætti að vera óhætt að mæta á völlinn!
Donni þjálfari segir að því miður sé Monica Wilhelm, nýr bandarískur markvörður Stólastúlkna, ekki enn komin með leikheimild og verður því ekki með og þá eru nokkrar stúlkur að glíma við meiðsli og óvíst hvort þær nái leiknum. Flestar stelpurnar eru þó spilfærar og klárir í slaginn. „Það er mikilvægt að mæta og styðja stelpurnar okkar. Við erum að móta liðið okkar og spila þær saman fyrir sumarið. Stemningin og stuðningurinn er gríðarlega stórt atriði fyrir öll lið og þá sérstaklega i okkar litla samfélagi, svo við treystum á að við stöndum öll saman í þessu og flott að byrja á morgun á móti stórliði Blika,“ segir Donni.
Strákarnir spila fyrr um daginn
Leikur Stólastúlkna í Lengjubikarnum er reyndar ekki eini leikurinn á Króksteppinu á morgun því meistaraflokkur karla ætlar sömuleiðis að spretta úr spori. Þeir mæta 2. flokki KA og hefst leikurinn kl. 11. Þetta verður fyrsti leikur strákanna undir stjórn nýs þjálfara, Dominic Furness, og sömuleiðis verður frumsýndur nýr sænskur senter, Max Selden.
Donni segir að um sé að ræða tvítugan leikmann sem hafi komið til landsins með Örth tvíburunum sem eru einmitt einnig komnir á Krókinn á ný. „Þetta er flottur ungur strákur sem vildi prófa lífið á Króknum með tvíbbunum. Það verður spennandi að sjá hvort hann smelli ekki jafnvel inn í samfélagið og þeir bræður,“ segir Donni og bætir við að Max hafi verið hjá sér í Örgryte akademíunni í Svíþjóð.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.