Bleiki mánuðurinn
Krabbameinsfélag Skagafjarðar tekur þátt í alþjóðlegu árveknisátaki um brjóstakrabbamein með því að lýsa Heilbrigðisstofnunina á Sauðárkróki og Sauðárkrókskirkju bleika. Í októbermánuði er vakin athygli á brjóstakrabbameini um allt land, frætt um sjúkdóminn og konur hvattar til að nýta sér boð Leitarstöðvar Krabbameinsfélagsins um röntgenmyndatöku.
Þetta er hluti af alþjóðlegu árveknisátaki, upphaflega að frumkvæði Estée Lauder, en bleik slaufa er tákn átaksins. Ágóðinn af sölu bleiku slaufunnar verður notaður til að styðja við baráttu gegn krabbameinum hjá konum, en árlegur meðalfjöldi krabbameina hjá íslenskum konum er um 660, þar af greinast um 190 krabbamein í brjóstum. Í Skagafirði fæst bleika slaufan í Pósthúsinu og í Lyfju.
Ýmislegt annað verður gert til að vekja athygli á málstaðnum og meðal annars verður haldið uppboð á bleikaslaufan.is. Þar verður hægt að bjóða í ýmsa óvænta hluti og viðburði, á hverjum degi í 10 daga frá 2. til 11. október.
Bleiki dagurinn verður svo þann 11. október þar sem allir vinnustaðir eru hvattir til að hafa bleikt þema og starfsfólk að klæðast einhverju bleiku.
Fimmtudagskvöldið 17. október verður síðan bleikt kvöld um allt land og veitingastaðir víða um landið munu gefa 20% af verði matseðils til Krabbameinsfélagsins á svæðinu. Landsmenn eru því hvattir til að fara út að borða þetta kvöld og styrkja gott málefni.
Í Skagafirði mun Ólafshús hafa bleika helgi frá fimmtudeginum 17. október til sunnudagsins 20. október og ætlar að gefa 20% af verði matseðils til Krabbameinsfélags Skagafjarðar. Skagfirðingar eru því hvattir til að fara út að borða þessa helgi og styðja í leiðinni við gott málefni í heimabyggð.
María Reykdal
Fleiri fréttir
-
Miðasalan hefst í dag
feykir.is Skagafjörður, Lokað efni 23.04.2025 kl. 15.00Leikfélag Sauðárkróks frumsýnir nú næskomandi sunnudag 27.apríl leikritið „Flæktur í netinu“ í leikstjórn Valgeirs Skagfjörð. Miðasala hefst í dag, miðvikudag á tix.is.Meira -
Faxi er kominn heim
feykir.is Skagafjörður 23.04.2025 kl. 14.22Að morgni dags 21. júlí 2023, sagði Feykir frá því að Faxi hafi tekið á flug á vit nýrra ævintýra. Næsti áfangastaður var Reykjavík þar sem hann var gerður sýningarhæfur og hafður á sýningu á Korpúlfsstöðum. Þegar þeirri sýningu lauk hélt hann til Þýskalands þar sem færa átti kappann í brons áður en hann kæmi aftur heim á Sauðárkrók.Meira -
Rafrænt Sjónhorn kom út í dag
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 13.52Vegna mikillar eftirspurnar var tekin ákvörðun um að gefa út rafrænt eintak af Sjónhorni fyrir Sjónhornþyrsta fólkið á svæðinu. Þetta blað fer því ekki inn um lúgurnar í pappírsformi - það verður einungis hægt að skoða það á netinu. Ástæðan fyrir því að ekki var hægt að gefa út prentað blað er sú að frídagar í þessari viku gerðu það að verkum að ekki var hægt að setja blaðið upp né dreifa því á tilsettum tíma.Meira -
Landsnet með opinn fund í Eyvindarstofu á Blönduósi miðvikudaginn 30. apríl kl. 16
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.39Þann 30. apríl nk. verður Landsnet með opinn fund í Eyvindarstofu á Blönduósi kl. 16:00 þar sem farið verður yfir og kynnt hvernig þau ætla að byggja upp öflugt, sveigjanlegt og sjálfbært flutningskerfi fyrir framtíðina. Þessi fundur er einn af átta sem Landsnet verður með í ferð sinni um landið þar sem þau ætla að ræða við fólk, svara spurningum og hlusta. Þetta er opið samtal og þú ert hluti af því.Meira -
Vorfagnaður í Árgarði
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.30Laugardaginn 26. apríl nk. kl 20:00 verður vorinu fagnað í Árgarði. Til stendur að borða saman kótilettur með tilheyrandi meðlæti. Tala, syngja og dansa saman inn í nóttina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.