Bjarni kynnti starfsemi Landgræðslu
Bjarni Maronsson , héraðsfulltrúi Landgræðslu ríkisins fyrir Húnavatnssýslur og Skagafjörð mætti á dögunum til fundar við Landbúnaðarráð Húnaþings vestra. Gerði Bjarni á fundinum grein fyrir starfsemi Landgræðslu ríkisins.
Kynnti Bjarni meðal annars þá ákvörðun sem tekin var í upphafi árs 2008 um gerð héraðsáætlana fyrir öll starfssvæði landgræðslunnar. Kynnti hann frumdrög þeirrar skýrslu fyrir Norðurland vestra. Óskaði Bjarni eftir því að landbúnaðarráð færi yfir frumdrögin og kæmi á framfæri ábendingum um atriði sem betur mættu fara. Markmið áætlunarinnar er m.a. að marka framtíðarsýn og megináherslur í landgræðslumálum á hverju héraðssetri en hún er einnig hugsuð sem tæki til að efla samráð og samvinnu við heimamenn og auka jafnvægi og ábyrgð þeirra við forgangsröðun verkefna. Héraðsáætlun gefur yfirlit um stöðu landgræðslumála á hverju afmörkuðu svæði og fjallar um alla þætti er tengjast verksviði landgræðslunnar innan hvers svæðis. Einnig kynnti Bjarni verkefnið „Bændur græða landið“ en í Húnaþingi vestra eru 19 bændur sem taka þátt í verkefninu sem lítur að uppgræðslu lands á eignarlöndum umræddra bænda. Bjarni gat um að jarðvegsrof og landeyðing telst óverulegt vandamál í Húnaþingi vestra því Vestur-Húnavatnssýsla er best gróna sýsla landsins en um 1.838 ferkílómetrar eða rúm 70% flatarmáls sveitarfélagsins telst gróið land. Landbúnaðarráð samþykkir að senda fjallskiladeildum í sveitarfélaginu frumdrög héraðsáætlunar landgræðslunnar til kynningar.
Fleiri fréttir
-
Miðasalan hefst í dag
feykir.is Skagafjörður, Lokað efni 23.04.2025 kl. 15.00Leikfélag Sauðárkróks frumsýnir nú næskomandi sunnudag 27.apríl leikritið „Flæktur í netinu“ í leikstjórn Valgeirs Skagfjörð. Miðasala hefst í dag, miðvikudag á tix.is.Meira -
Faxi er kominn heim
feykir.is Skagafjörður 23.04.2025 kl. 14.22Að morgni dags 21. júlí 2023, sagði Feykir frá því að Faxi hafi tekið á flug á vit nýrra ævintýra. Næsti áfangastaður var Reykjavík þar sem hann var gerður sýningarhæfur og hafður á sýningu á Korpúlfsstöðum. Þegar þeirri sýningu lauk hélt hann til Þýskalands þar sem færa átti kappann í brons áður en hann kæmi aftur heim á Sauðárkrók.Meira -
Rafrænt Sjónhorn kom út í dag
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 13.52Vegna mikillar eftirspurnar var tekin ákvörðun um að gefa út rafrænt eintak af Sjónhorni fyrir Sjónhornþyrsta fólkið á svæðinu. Þetta blað fer því ekki inn um lúgurnar í pappírsformi - það verður einungis hægt að skoða það á netinu. Ástæðan fyrir því að ekki var hægt að gefa út prentað blað er sú að frídagar í þessari viku gerðu það að verkum að ekki var hægt að setja blaðið upp né dreifa því á tilsettum tíma.Meira -
Landsnet með opinn fund í Eyvindarstofu á Blönduósi miðvikudaginn 30. apríl kl. 16
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.39Þann 30. apríl nk. verður Landsnet með opinn fund í Eyvindarstofu á Blönduósi kl. 16:00 þar sem farið verður yfir og kynnt hvernig þau ætla að byggja upp öflugt, sveigjanlegt og sjálfbært flutningskerfi fyrir framtíðina. Þessi fundur er einn af átta sem Landsnet verður með í ferð sinni um landið þar sem þau ætla að ræða við fólk, svara spurningum og hlusta. Þetta er opið samtal og þú ert hluti af því.Meira -
Vorfagnaður í Árgarði
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.30Laugardaginn 26. apríl nk. kl 20:00 verður vorinu fagnað í Árgarði. Til stendur að borða saman kótilettur með tilheyrandi meðlæti. Tala, syngja og dansa saman inn í nóttina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.