Bjarni Jóns boðar til fundar í umhverfis- og samgöngunefnd vegna Siglufjarðarvegar
Siglufjarðarvegur um Almenninga hefur verið talsvert í umræðunni síðustu daga en veginum var lokað í nokkra daga í kjölfar mikils vatnsveðurs og skriðufalla. Komið hefur fram í fréttum að vegurinn hafi færst fram um 14 sm í regnveðrinu. Bjarni Jónsson, formaður umhverfis- og samgöngunefndar Alþingis, hefur boðað sérstakan fund í nefndinn nk. mánudag um alvarlegt ástand Siglufjarðarvegar og þá stórhættu sem þar hefur skapast og ennfremur stöðu undirbúnings nýrra jarðgangna.
Á fundinn eru boðuð sveitarfélögin Fjallabyggð og Skagafjörður ásamt Vegagerðinni. Bjarni skoðaði í dag aðstæður með Jóhanni K. Jóhannssyni slökkviliðsstjóra Fjallabyggðar og fór yfir stöðuna með honum og Sigríði Ingvarsdóttur bæjarstjóra. Bjarni segir ljóst að flýta þurfi eins og kostur er gangnagerð á milli Fljóta og Siglufjarðar.
Bjarni tjáði Feyki í samtali að hann mæti stöðuna, sem kom upp fyrir nokkrum dögum síðan, grafalvarlega og mikla hættu hafa skapast áður en veginum var lokað vegna skriðufallanna. Þá haldi hlíðin áfram að skríða í sjó fram af jafnvel enn meiri þunga og hlutar vegarins geti hvenær sem er farið. Ingibjörg Ísakssen þingmaður hafði óskað eftir fundi í nefndinni en nefndin telur mikilvægt að fara yfir málið.
„Það er mikilvægt að flýta eins og nokkur kostur er gerð jarðgangna á milli Fljóta og Siglufjarðar, sem leysir þessa hættulegu leið af hólmi,“ sagði Bjarni að lokum.
- - - - - -
Á myndinni að ofan má sjá að gangaskálinn vestanvert í Strákagönum er nánast í lausu lofti. Á stóru myndinni hér að neðan má sjá nýrri og gamla veginn um Almenninga.
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.