Auður Herdís tekur við rekstri Héðinsminnis
Auður Herdís Sigurðardóttir, oft kennd við Stóru-Akra í Blönduhlíð, hefur tekið við rekstri félagsheimilisins Héðinsminni en samningur þess efnis var undirritaður við Skagafjörð til næstu fimm ára. Héðinsminni verður kynntur sem nýr áfangastaður í Skagafirði fyrir hópa í mat og drykk undir merkjum Áskaffis.
Héðinsminni er við þjóðveg 1 í Blönduhlíðinni, um tíu mínútna akstur frá Varmahlíð þegar ekið er austur um til Akureyrar. Herdís segir að fyrst um sinn verði aðeins opið fyrir hópa í mat og drykk sem panta fyrirfram. En þegar líður að sumri ætlar hún að opna meira fyrir gesti og mun auglýsa það t.d. á Facebooksíðu Héðinsminnis.
„Verið velkomin í Héðinsminni í Skagafirði þar sem Áskaffi góðgæti býður matseðil fyrir hópa,“ segir í kynningu en um tveggja áratuga skeið rak Herdís kaffistofuna Áskaffi í einu húsa Byggðasafns Skagfirðinga í Glaumbæ, á sama stað og safnið rekur sína eigin kaffistofu undir öðru nafni.
„Í dag er Áskaffi góðgæti í Héðinsminni,“ segir Herdís sem hlakkar til að taka á móti gestum á nýjum áfangastað þar sem hún mun áfram leggja áherslu á að bjóða góðgæti eins og í Áskaffi forðum, sem margir þekkja. „Ýmsar nýjungar verða á boðstólum og um að gera að heyra í mér ef þið hafið áhuga að koma með hópinn ykkar í hádegismat, miðdagskaffi eða kvöldmat. Verið hjartanlega velkomin í sveitina,“ segir hún en nánari upplýsingar gefur Herdís í síma 6996102 eða á kompan@simnet.is.
Fleiri fréttir
-
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira -
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.