Átt þú mynd sem færi fallega á forsíðu JólaFeykis?

feykir.is Skagafjörður, Austur-Húnavatnssýsla, Vestur-Húnavatnssýsla 19.11.2024 kl. 15.47 oli@feykir.is

Það styttist í að JólaFeykir komi út og nú auglýsum við eftir mynd á forsíðu líkt og í fyrra. Ljósmyndarar þurfa að hafa snör handtök því það er aðeins vika til stefnu. Við leitum að mynd sem tengja má jólum, aðventu eða bara fallegri vetrarstemningu.

JólaFeykir er ekki alveg á sama tíma úr prentvélunum og vanalega, tefst um viku svo blaðið drukkni ekki í auglýsingum stjórnmálaflokka fyrir komandi Alþingiskosningar. Kemur því út 4. desember.

Rétt er að ljósmyndarar hafi það í huga að mynd sem er send til okkar þarf að vera í góðri upplausn svo hún njóti sín á forsíðunni. Sömuleiðis má hafa það í huga að efsti fjórðungur myndarinnar lendir undir JólaFeykis-hausnum. Senda skal myndirnar á feykir@feykir.is merkt JÓLAFEYKIR.

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.11.2024 kl. 19.15 oli@feykir.is
    Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík.
    Meira
  • Súsanna með verðlaunin sín eftir Unglingalandsmótið í sumar. Mynd tekin af heimasíðu UMSS.

    Súsanna Guðlaug valin í unglingalandsliðið í frjálsum

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.11.2024 kl. 14.44 siggag@nyprent.is
    Frjálsíþróttasamband Íslands hefur tilkynnt nýtt unglingalandslið 15-19 ára fyrir tímabilið 2024-2025 og hafa 60 einstaklingar náð þessum frábæra árangri. Unglingalandsliðið er valið út frá árangri á utanhúss tímabilinu 2024 og eru skilgreind lágmörk í hverri grein og aldursflokki. Einn Skagfirðingur er kominn inn í unglingalandsliðið í ár en það er hún Súsanna Guðlaug Halldórsdóttir, með árangurinn 1,57 m í hástökki og 12.90 sek. í 80m grind.
    Meira
  • Flugvél frá easyJet á Akureyrarflugvelli. AÐSEND MYND

    easyJet lengir flugtímabil frá London til Akureyrar

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 19.11.2024 kl. 13.15 oli@feykir.is
    Breska flugfélagið easyJet tilkynnti í gær að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust.
    Meira
  • Það var slatti af snjó á Hólaveginum á Sauðárkróki nú um kaffileytið. MYND: ÓAB

    Vetrarveður ríkir á Norðurlandi vestra

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 19.11.2024 kl. 10.33 oli@feykir.is
    Enn er leiðinda vetrarveður, éljagangur og stífur norðanvindur á Sauðárkróki. Veðurstofan gefur reyndar til kynna að nú sé norðvestan 1 m/sek á Alexandersflugvelli en það er nú í það minnsta 10 m/sek á Króknum en það er vel þekkt að norðvestanáttin er leiðinleg hérna megin Tindastólsins. Gert er ráð fyrir því að vindur snúist í norðaustan eftir hádegi og þá vænkast væntanlega veðurhagur Króksara í það minnsta.
    Meira
Yfirlit frétta