Áskell Heiðar heim að Hólum en messar áfram í Gránu
Á heimsíðu Háskólans á Hólum segir að ferðamáladeild hefur ráðið Áskel Heiðar Ásgeirsson í fullt starf við deildina. Fram kemur að Áskell Heiðar, sem á ættir að rekja í Borgarfjörð eystra en búið á Sauðárkróki síðan á síðustu öld, hefur fjölþættan bakgrunn sem mun nýtast vel við verkefni á sviði kennslu, rannsókna og stjórnunar í viðburðastjórnun og ferðamálafræði.
„Áskell Heiðar hefur víðtæka reynslu af skipulagningu og stjórnun viðburða. Má þar nefna að hann var meðal stofenda tónlistarhátíðarinnar Bræðslunnar á Borgarfirði eystri og hefur stýrt hátíðinni allar götur síðan. Hann var framkvæmdastjóri Landsmóts hestamanna bæði á Hólum 2016 og í Reykjavík 2018. Hann starfaði síðast sem framkvæmdastjóri Sýndarveruleika ehf og sýningarinnar 1238 - Baráttan um Ísland. Hann var um langt skeið sviðsstjóri markaðs- og þróunarsviðs Sveitarfélagsins Skagafjarðar og hefur m.a. starfað hjá þróunarsviði Byggðastofnunar og sem verkefnastjóri hjá Markaðsstofu ferðamála á Norðurlandi.Áskell Heiðar hefur um árabil verið stundakennari bæði við Háskólann á Hólum og Háskóla Íslands. Hann er með meistaragráðu í ferðamálafræði með áherslu á viðburðastjórnun frá Háskólanum á Hólum í samstarfi við Leeds Metropolitan University í Bretlandi og Diplómu í opinberri stjórnsýslu frá Háskóla Íslands,“ segir í fréttinni og klikkt út með því að bjóða kappann velkominn til starfa og fagnar þessum nýfengna liðsauka í starfsmannahóp skólans.
Með marga bolta á lofti
Feykir spurði Áskel Heiðar hvort nýr starfsvettvangur þýddi að reikna mætti með messufalli viðburða á vegum Menningarfélagsins Gránu sem staðið hefur fyrir fjölbreyttri dagskrá í Gránu á Sauðárkróki síðustu misserin. „Nei, hér verður messað áfram, við erum nokkur sem stöndum á bak við Menningarfélagið og hér verður áfram spennandi dagskrá. Við vorum t.d. að bóka Geirmund í mars, vonandi kemur Gísli Einars fyrir vorið og svo eru mjög spennandi tónleikapælingar í gangi sem við kynnum síðar.“
Eins og oftast er Heiðar með marga bolta á lofti. „Ég er að klára ákveðin verkefni hér sambandi við útrásarpælingar og samstarf Sýndarveruleikans við önnur söfn og setur, svo er Bræðslan auðvitað á dagskrá í sumar. Svo fylgja alls konar spennandi pælingar með nýja starfinu auk kennslunnar, t.d. ýmis konar hugmyndir um rannsóknir á viðburðum og bæjarhátíðum og podcastþættir um sögu útihátíða sem ég hef verið að undirbúa í nokkra mánuði“ segir hann að lokum.
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.