Árný Lilja tilnefnd sem sjálfboðaliði ársins á golfþingi GSÍ
Golfþing GSÍ verður haldið næstkomandi helgi á Fosshótel Reykjavík og verður dagskrá golfþingsins fjölbreytt sem fyrr. Ljóst er að næsti forseti GSÍ verður kona, í fyrsta sinn í sögu sambandsins þar sem Hulda Bjarnadóttir er sjálfkjörin. Tekur hún við af Hauki Erni Birgissyni. GSÍ óskaði eftir tilnefningum golfklúbba um sjálfboðaliða ársins 2021 og verður valið kynnt á þinginu en stjórn Golfklúbbs Skagafjarðar tilnefndi Árnýju Lilju Árnadóttir úr sínum röðum.
Að sögn Kristjáns Bjarna Halldórssonar, formanns GSS er Árný ein af mörgum sjálfboðaliðum klúbbsins sem gera starf þess mögulegt. Í greinargerð klúbbsins segir um Árnýju:
Árný hefur hefur staðið sig vel sem sjálfboðaliði í tugi ára með setu í nefndum og virkri þátttöku í starfinu.
Árið 2021 var engin undantekning nema síður sé. Árný Lilja þjálfaði í sjálfboðavinnu stærsta hóp sem komið hefur á nýliðanámskeið GSS. Svo mikil var aðsóknin að skipta þurfti nýliðahópnum í þrennt og var æft mánudaga og fimmtudaga í 5 vikur. Hún lét það ekki stoppa sig að handarbrotna þegar námskeiðið var ekki hálfnað heldur hélt hún ótrauð áfram og sýndi sveifluna með annarri hendi og hvatti nýliðana áfram. Árný hefur verið nýliðum mikil fyrirmynd enda bera þeir mikla virðingu fyrir henni. Mikil fjölgun hefur verið í Golfklúbbi Skagafjarðar undanfarin 3 ár og er það að miklu leyti frábærum nýliðanámskeiðum Árnýjar að þakka. Segja má að Árný hafi erft golfkennsluhæfileikana frá föður sínum, Árna Jónssyni, sem kenndi hjá m.a. GA og GSS. Árný Lilja starfar sem sjúkraþjálfari en golfkennsluna vinnur hún í sjálfboðavinnu. Segja má að öll fjölskyldan láti gott af sér leiða. Eiginmaður Árnýjar Lilju, Rafn Ingi, er fyrrum formaður GSS og svo eru synir hennar farnir að hjálpa til við kennsluna.
Árný hefur verið liðsstjóri kvennasveitar GSS sem keppt hefur í efstu deild kvenna undanfarin ár. Vegna handarbrotsins gat hún ekki spilað með sveitinni í sumar en sinnti starfi sínu sem liðsstjóri með stakri prýði.
Árný er ein af fáum dómurum GSS og lætur sitt ekki eftir liggja þegar óskað er eftir starfskröftum hennar til að dæma á opnum mótum GSS.
Árný lætur sig ekki vanta þegar GSS heldur opin mót barna og unglinga. Hún mætir til aðstoðar og fylgist vel með mótahaldinu.
Árný Lilja hefur einnig verið virk þegar konur GSS halda árlegt kvennamót þar sem saman koma konur úr golfklúbbum af Norðurlandi. Að þessu sinni gat hún ekki spilað vegna handarbrots en var mjög virk í undirbúningi mótsins. Á mótsdegi mætti hún fyrst kvenna, fór með rósir á alla teiga og vann að undirbúningi mótsins.
Til að toppa allt mætti hún til haustvinnu á vellinum þar sem hún og nokkrir karlar unnu gott verk við að saga niður tugi trjáa og færa í burtu.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.