Árið 2021: „Manni leggst alltaf eitthvað til“
Feykir plataði söngvaskáldið góða, Svavar Knút, til að henda í eitt ársuppgjör. Pilturinn er að handan, eða austan Vatna, en býr í Bogahlíð borgar óttans. Svavar Knútur hefur verið duglegur við alls kyns tónleikahald um allar trissur á Covid-tímum og þá ekki hvað síst skellt í netútsendingar í tíma og ótíma, enda happdrætti að plana meiriháttar tónleikaferðir síðustu misserin. Hann er vatnsberi í skónúmeri 45 og þegar hann er beðinn um að lýsa árinu í þremur orðum segir hann: „Tími með börnunum.“
Hver er maður ársins? Ég veit ekki, er það ekki bara íslenska þjóðin svona upp til hópa að sýna þokkalega samstöðu á erfiðum tímum? Ég er ekki mikið fyrir að einstaklingsgreina hvort sem er, vandamál eða velgengni. Trúi ekki á hetjur eða skúrka neitt sérstakega. Þetta er allt afurð samfélags og umhverfis og við gerum bara öll okkar besta.
Hver var uppgötvun ársins? Hvað það er ótrúlega gott að eiga meiri tíma með fjölskyldunni. Svo uppgötvaði ég hvað það er stórskemmtilegt að umgangast kollega mína í alþjóðlegu heimstónlistarsenunni. Þá átti ég ótrúlega skemmtilegan tíma vinnandi verkefnið Fámennt en góðmennt,þar sem ég heimsótti brothættar byggðir. Þar fór ég svo mikið að hugsa um hvað við notum orðið “Brothætt” bara um hluti sem eru dýrmætir. Skæni og kol í brunaleifum eru ekki brothætt þó þau brotni auðveldlega. Einungis dýrmæt fyrirbæri eru brothætt, eitthvað sem við viljum ekki missa.
Hvað var lag ársins? Fyrir mig var það lagið mitt November. Það var gaman að semja það og vinna það og koma því út. Annars var bara fullt af góðri tónlist sem kom út á árinu.
Hvað var broslegast á árinu? Tjah, hjá mér gerðist eitt sem mér fannst sjúklega fyndið. Ég var á tónleikaferð í Evrópu og sat af gömlum vana í lest á leiðinni milli borga í Sviss. Ég var einn í vagninum á fyrsta farrými þegar inn kemur ein óskaplega fín frú. Þetta er auðvitað í miðju Covid, en hún sest engu að síður í næsta sæti fyrir aftan mig í þessu flennistóra rými. Mér finnst það ansi furðulegt, en svo bætir hún í með því að byrja að leysa vind með miklum óhljóðum og alveg skelfilegri lykt. Ég átti gríðarlega bágt með mig að drepast ekki úr hlátri að þessu stórfurðulega atviki. Að hún skyldi koma alveg upp að mér á þessum tíma og svo henda í svona rosalegan viðrekstur. Þetta var næstum því menningarsjokk.
Hvers heldurðu að þú eigir eftir að sakna frá árinu 2021 – eða ekki? Ég á eftir að sakna tímans með fjölskyldunni minni. Að starfa sem tónlistarmaður felur oft í sér rosalega löng tónleikaferðalög, sérstaklega eftir að plötusala hrundi. Þá þarf maður að túra ennþá meira. Og það bíður núna á næsta ári.
Varp ársins? Æðavarpið á Ströndum. Svo byggðalínan hjá Byggðastofnun. Hún er bara stórskemmtileg. :D
Hverju viltu skella á brennuna og hvers vegna? Neikvæðni, tuði og ofurviðkvæmni fólks fyrir réttmætri gagnrýni. Það væri æðislegt ef það væri eldfimt.
Hver var helsta lexía ársins? Manni leggst alltaf eitthvað til.
- - - -
Svavar Knútur var ásamt Aldísi Fjólu með jólatónleika í nafni Grýlubarna í Gránu í desember. Hér er smá upphitun sem þau settu í loftið fyrir tónleikana.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.