Árangursríkar eftirleitir á Eyvindarstaðarheiði

feykir.is Skagafjörður, Austur-Húnavatnssýsla 22.10.2021 kl. 08.17
Menn geta komist í hann krappan í eftirleitum á heiðum en það fengu þeir að reyna sem fóru á Eyvindarstaðarheiðina þann 10. október sl. Hafsteinn Lúðvíksson, áður bóndi á Ytra-Vallholti, beitir skóflunni í tilraun leiðangursmanna til að losa Siglufjarðar-Seig, sem er talsvert illa staddur þá stundina í Efri-Þverkvísl. Í bílnum situr eigandinn, Gunnar Júlíusson frá Siglufirði, en fyrir utan styður Guðmundur Valtýsson sig við staf og honum á hægri hönd er Hlífar Hjaltason í Víðiholti, en hann og Jón Gissurarson í Víðimýrarseli riðu sexhjóla stálfákum í leiðangrinum. Mynd: Jón Gissurarson
Menn geta komist í hann krappan í eftirleitum á heiðum en það fengu þeir að reyna sem fóru á Eyvindarstaðarheiðina þann 10. október sl. Hafsteinn Lúðvíksson, áður bóndi á Ytra-Vallholti, beitir skóflunni í tilraun leiðangursmanna til að losa Siglufjarðar-Seig, sem er talsvert illa staddur þá stundina í Efri-Þverkvísl. Í bílnum situr eigandinn, Gunnar Júlíusson frá Siglufirði, en fyrir utan styður Guðmundur Valtýsson sig við staf og honum á hægri hönd er Hlífar Hjaltason í Víðiholti, en hann og Jón Gissurarson í Víðimýrarseli riðu sexhjóla stálfákum í leiðangrinum. Mynd: Jón Gissurarson

Fyrir skömmu sagði Feykir frá gangnamönnum á mótorfákum og torfærutrölli með Guðmund Valtýsson í fararbroddi á Eyvindarstaðarheiði og nú fyrir rúmri viku var farinn annar leiðangur, í slæmu færi víða en ágætis veðri þegar á leið daginn. Að sögn Guðmundar var dagurinn heilladrjúgur og tíðindamikill hjá þeim félögum.

Fyrstu lömbin sem fundust voru á svokölluðum
Hraunum, suður og vestur frá Sátu.
Mynd: Jón Gissurarson.

 Fyrst fundust tvö lömb fram á Hraunum á Eyvindarstaðaheiði, suður og vestur frá Sátu, frá Miðdal í Skagafirði, og segir Guðmundur að það hafi glatt leiðangursmenn mikið að rekast á þau í algerri bjargleysu og koma þeim á bílinn. Á heimleið, seinni part dags, leitaði flokkurinn niður í svokallaðar Svörtutungur, þar sem fremstu grös á Eyvindarstaðaheiði er að finna, og fundu þar sex kindur. „Þetta var svört ær frá Stóradal í Svínavatnshreppi með tvo fallega, ómarkaða lambhrúta. Einnig fylgdu lömbin hennar frá því í fyrra, hvítur hrútur og svört gimbur. Þá var í hópnum svarbotnótt veturgömul gimbur frá Ytra-Vallholti í Skagafirði og var hún einnig útigengin. Móðir hennar kom ekki af fjalli síðasta haust og vantaði hana með tveimur gimbrum, botnóttri og hvítri. Kom svo ærin núna í haust og þarna reyndist vera önnur gimbrin frá því í fyrra.“ Að sögn Guðmundar var Stóradals-Surtla, eins og hann kallar þá svörtu, flutt að heiman sumarið 2020 með sín fallegu lömb þá.

 

„Mér skilst að nokkuð margt fé hafi verið flutt fram fyrir Seyðisá um vorið enda kom fjöldi fjár frá bæjum vestan Blöndu í fyrra. Þá fara þær niður með Seyðisá og í Blöndu heldur en að fara út fyrir Seyðisá. Svona gerist þetta álít ég.“

Guðmundur segir að lambhrútarnir sem fylgdu Stóradals-Surtlu hafi verið drjúgvænir og veturgömlu kindurnar líka og hrúturinn ekki árennilegur þar sem hann renndi á hjólið hjá Jóni Gissurarsyni. Þá renndi hann á Jón líka, þrátt fyrir að vera orðinn dasaður þegar átti að ná honum við Svörtukvísl, en Jón nær þá að grípa í hrútinn og halda þangað til hjálp barst til að koma koma honum á pallinn á bílnum. Komust leiðangursmenn svo heilu og höldnu til byggða, glaðir og kátir með árangur dagsins.

Stóradals-Surtla með sínum fallegu
afkvæmum komin í hús Hjá Guðmundi
á Eiríksstöðum í Svartárdal.
Mynd: Jakob Víðir Kristjánsson.

 

 

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Geymt en ekki gleymt | Leiðari 45. tbl. Feykis

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02 oli@feykir.is
    Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.
    Meira
  • Lilja Rafney, Flokki fólksins. MYND AÐSEND

    Flokkur fólksins vill efla byggð um land allt! | Lilja Rafney Magnúsdóttir skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08 oli@feykir.is
    Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.
    Meira
  • Kristófer Már Maronsson skipar 5. sæti á lista Sjálfstæðisflokksins. AÐSEND MYND

    Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51 oli@feykir.is
    Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.
    Meira
  • Afmælisnefndin sem skipulagði afmælishaldið. frá vinstri Ingibjörg Signý Aadnegard, Sigurður Bjarni Aadnegard, Greta Björg Lárusdóttir, Kristín Ingibjörg Lárusdóttir og Grímur Rúnar Lárusson. MYND: Magdalena Berglind Björnsdóttir

    Áfram Hvöt!

    feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50 oli@feykir.is
    Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.
    Meira

  • Ilze tekur sæti Mélissu hjá Stólastúlkum

    feykir.is Skagafjörður, Íþróttir, Lokað efni 27.11.2024 kl. 13.52 oli@feykir.is
    Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.
    Meira
Yfirlit frétta