Appelsínugul viðvörun og norðanhvellur í kortunum
Í tilkynningu frá almannavörnum á Norðurlandi vestra er vakin athygli á slæmri veðurspá fram á seinni hluta þriðjudags. Búið er að gefa út af Veðurstofu að frá og með seinnipartinum á morgun, mánudegi, verði gefin út appelsínugul veðurviðvörun sem að nær langt fram á þriðjudag.
Spáð er mikilli úrkomu sem mun að líkindum falla sem slydda eða snjór á fjallvegum. Vegfarendur eru því hvattir til að fylgjast mjög vel með færð og veðri á vefjum Veðurstofunnar og Vegagerðar.
Um miðnætti í kvöld má vænta þess að það byrji að rigna, í það minnsta í Skagafirði og síðan bætast Húnavatnssýslur við þegar á líður. Reikna má með að í Skagafirði og við Tröllaskagann rigni samfleytt í tæpa tvo sólarhringa og er nú vart á bætandi – þá ekki hvað síst á Siglufjarðarveginum. Spáð er stífri norðanátt, 10-15 m/sek og hita á bilinu 2-5 gráður. Kaldara verður eðlilega til fjalla og þar mun væntanlega snjóa.
Vonskuveður í sunnanroki í síðustu viku
Ekki er langt síðan Veðurstofan skellti á okkur gulri veðurviðvörun vegna sunnanáttar, í raun aðeins fjórir dagar. Reyndist veðrið jafnvel töluvert verra en spáð var, stormurinn sterkari og þótti mörgum Króksaranum nóg um,. Lá við að fólk tækist á loft þar sem stífustu strengirnir náðu sér upp.
Björgunarsveitin Skagfirðingasveit fékk tvö útköll sl. fimmtudag; vegna foks á sveitabæ og þá þurfti að hemja eitt trampólín á Króknum. Hafdís Einarsdóttir hjá Skagfirðingasveit tjáði Feyki að björgunarsveitarfólk hafi tekið rúnt á Króknum til að kanna hvort fleiri þyrftu aðstoð og var þá eitt trampólín til viðbótar bundið niður í samráði við eiganda. Þá sagði hún að Björgunarsveitin Grettir á Hofsósi hefði sinnt útkalli þar sem gamalt hesthús var að fjúka.
Fleiri fréttir
-
Æfingar hefjast hjá Skagfirska kammerkórnum.
feykir.is Skagafjörður, Austur-Húnavatnssýsla, Vestur-Húnavatnssýsla 16.09.2024 kl. 14.50Miðvikudaginn 11.september hóf Skagfirski kammerkórinn æfingar á ný eftir sumarfrí og heldur inn í sitt tuttugasta og fimmta starfsár.Meira -
Hvaðan kemur verðbólgan? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 16.09.2024 kl. 14.35Tveir helztu drifkraftar verðbólgunnar hér á landi undanfarin misseri hafa annars vegar verið kostnaður vegna húsnæðis og hins vegar innflutt verðbólga. Aðallega frá ríkjum Evrópusambandsins enda mest flutt inn þaðan. Verðbólga jókst þar ekki vegna aukinna umsvifa heldur fyrst og fremst vegna glórulausra ákvarðana evrópskra ráðamanna í orkumálum sem varð til þess að ófá ríki sambandsins urðu háð orku frá Rússlandi. Þegar loks var brugðist við í þeim efnum, þó enn sé flutt inn mikið af rússneskri orku, leiddi það til hærra orkuverðs, þar með hærri framleiðslukostnaðar og loks hærra vöruverðs sem síðan skilaði sér hingað.Meira -
Oddviti Húnabyggðar ósáttur við vinnubrögð Vegagerðarinnar
feykir.is Austur-Húnavatnssýsla 16.09.2024 kl. 10.24„Ég ætla bara að ítreka það að við erum búin að standa við okkar. Við erum búin að sameina og mér finnst það asskoti hart að fá svona í bakið fyrir mitt samfélag. Við erum að reyna að sameina samfélög, við gerum það ekki með því að búa til óeiningu milli hverfa í okkar samfélagi,“ sagði Guðmundur Haukur Jakobsson, oddviti Húnabyggðar, í samtali við RÚV í gær.Meira -
30 milljónir settar í undirbúning fyrir Fljótagöng
feykir.is Skagafjörður 16.09.2024 kl. 09.23Stjórnvöld hafa ákveðið að flýta rannsóknum fyrir jarðgöng úr Fljótum og til Siglufjarðar og er nú stefnt að því að borun fyrir jarðgöng geti hafist árið 2026. Þrjátíu milljónum verður varið í að undirbúa gerð jarðganga úr Skagafirði í Fjallabyggð sem myndi leysa af hólmi veg um Almenninga en hann hefur farið illa í veðrum og jarðhreyfingum undanfarin ár og er talinn hættulegur vegfarendum.Meira -
Kormákur/Hvöt hélt sæti sínu í 2. deild þrátt fyrir tap í lokaumferðinni
feykir.is Austur-Húnavatnssýsla, Íþróttir, Vestur-Húnavatnssýsla 15.09.2024 kl. 19.07Það var hart barist í síðustu umferð 2. deildarinnar í tuðrusparkinu í gær. Hvorki hafði gengið né rekið hjá Kormáki/Hvöt í síðustu leikjum og útlitið ekki verulega gott fyrir lokaleikinn; erfiður andstæðingur í Ólafsvík á meðan lið KF spilaði heima á Ólafsfirði gegn Hetti/Huginn sem hafði tapað fimm leikjum í röð og virtust hættir þetta sumarið. Það eina sem spilaði með Húnvetningum var að þeir höfðu stigi meira en lið KF fyrir síðustu umferðina og það reyndist heldur betur mikilvægt þar sem bæði lið töpuðu og bættu því ekki við stigasafnið. Kormákur/Hvöt náði því í raun þeim frábæra árangri að halda sæti sínu í 2. deild og það voru víst ekki margir sem veðjuðu á það fyrir mót.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.