Aparóla Freyjanna formlega afhent skagfirskum æskulýð
Það voru glaðir krakkar sem tóku formlega við aparólunni, sem Kiwanisklúbburinn Freyja stóð fyrir að komið yrði upp í fyrirhuguðum leikvelli sunnan Eyrartúns í Túnahverfi á Sauðárkróki í hádeginu í dag. Verkefnið er unnið í samstarfi við Skagafjörð og segir Freyja Rut Emilsdóttir, forseti klúbbsins, það einkar ánægjulegt að taka fyrsta leiktækið í notkun.
Freyja Rut Emilsdóttir, forseti klúbbsins,
afhendir aparóluna formlega.
Það voru nemendur 4. bekkjar Árskóla sem mættu sem fulltrúar skagfirskrar æsku til að taka formlega við aparólunni og létu þeir sér ekki leiðast að bruna á hlaupakettinum þá stund sem þeir stöldruðu við.
Kiwanisklúbburinn Freyja hefur staðið fyrir fjölbreyttum styrktarverkefnum á undanförnum árum og segir Freyja Rut að stærsta verkefni klúbbsins sé þó án efa Freyjugarðurinn, sem hefur það að markmiði að stuðla að ánægjulegum samverustundum barna og foreldra og um leið efla útiveru og hreyfingu í anda heilsueflandi samfélags. „Við erum glaðar og þakklátar fyrir þann stuðning sem við höfum fundið fyrir í samfélaginu og höldum ótrauðar áfram að safna fyrir fleiri tækjum. Næsta skref í þeirri vegferð er sala á blómum í upphafi aðventu, en blómasala hefur verið okkar helsta fjáröflun á undanförnum misserum,“ segir hún.
Freyjurnar Freyja Rut Emilsdóttir, Ása Björg Ingimarsdóttir,
Hrefna Gerður Björnsdóttir, Ragna Fanney Zoega Gunnarsdóttir
og Steinunn Gunnsteinsdóttir ásamt Vali Valssyni verkefnisstjóra,
Steini Sveinssyni sviðstjóra veitu- og framkvæmdasviðs
og Sigfúsi Inga Sigfússyni sveitarstjóra.
Nokkrar tafir urðu á framkvæmdum við aparóluna og segir Valur Valsson, verkefnastjóri nokkrar ástæður fyrir því. „Kiwanisklúbburinn Freyja lét vinna hönnun af leikvelli á svæðinu við Gilstún og enda Eyrartúns, aparólan var inn á þessu leiksvæði. Ekki náðist svo sátt um staðsetningu leiksvæðisins og þar af leiðandi aparólunnar við alla íbúa í nágrenni þessa leiksvæðis. Ný staðsetning fyrir aparóluna var fundin til að koma henni í notkun.
Einnig var erfitt að fá starfsmenn í verkið vegna annarra mikilvægra verkefna. Núna er hún komin í gagnið. Við fögnum því og vonum að hún verði mikið notuð og hleypi enn meira lífi í svæðið hjá börnum jafnt sem fullorðnum,“ segir Valur.
Tengd frétt: Viljayfirlýsing undirrituð um uppbygging fjölskyldugarðs á Sauðárkróki
Fleiri fréttir
-
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira -
Áfram Hvöt!
feykir.is Austur-Húnavatnssýsla, Íþróttir, Mannlíf, Lokað efni 27.11.2024 kl. 14.50Afmælishátíð Ungmennafélagsins Hvatar, sem haldin var í Íþróttamiðstöðinni á Blönduósi, gekk vonum framar. Skaut formaður félagsins, Grímur Rúnar Lárusson, að um 250-300 manns hafi mætt á fyrri skemmtunina sem var stíluð inn á yngri kynslóðina og svo 90-100 manns á formlegu dagskránni seinni partinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.