Alræmd rjúpa og marineraðar bringur
Kristbjörg Kemp og Guðni Kristjánsson voru með uppskriftir í Feyki í febrúar 2007 og líklegt er að Guðni hafi bæði eldað og aflað matarins enda segir í inngangi: -Konan mín segir að ég sé kokkur af guðsnáð, segir Guðni Kristjánsson en hann ásamt eiginkonu sinni Kristbjörgu Kemp á heiðurinn á uppskriftum vikunnar. -Ég er ekki mikið fyrir að fylgja uppskriftum, en styðst þó við hugmyndir sem ég sæki í þess háttar bókmenntir. Ég skora á félaga minn og nágranna Snorra Styrkársson og konu hans Kristrúnu Ragnarsdóttur til að koma með einhverjar af sínum eðal uppskriftum.
Forréttur
Alræmd rjúpusúpa
2 úrbeinaðar rjúpur
1/2 lítri af rauðvíni (ekki besta rauðvínið í húsinu)
1 laukur
1 rauðlaukur
nokkrar gulrætur
1 sellerystöngull
u.þ.b. 100 gr selleryrót
u.þ.b. 100 gr sætar kartöflur
villibráðakraftur
1-2 msk rjómamysingur
4-6 einiber
2 blöð lárviðarlauf
2-3 msk tyttuberjasulta
rjómi eftir smekk.
Salt, pipar og villibráðakrydd eftir smekk
Aðferð:
Læri, háls, bein og innmatur eru steikt á pönnu í smjöri. Kryddað. Vegna fyrirferðar er gott að krydda og síðan baka stærstu beinin augnablik í ofni við háan hita. Sett í pott ásamt rauðvíni, u.þ.b. 1 l af vatni, grænmeti, krafti, sultu, einiberjum og lárviðarlaufi. Soðið við vægan hita í 1 og 1/2 klst. „Hratið“ sigtað frá, rjóma og mysingi bætt við, suðu hleypt upp. Rjúpubringur steiktar í smjöri og kryddaðar eftir smekk, u.þ.b. 2 mín. á hvorri hlið. Skornar niður í hæfilega munnbita og settar út í súpuna. Súpan er borin fram með góðu nýbökuðu brauði. Ef súpan á að vera “tær” er helmingnum af grænmetinu haldið eftir og hann soðinn í 15 mín eftir að “hratið” hefur verið sigtað frá.
Aðalréttur
Marineraðar skarfabringur
1 dl hvítvín
3 msk soja sósa
2 hvítlauksrif
Svolítið af piparrót (u.þ.b. einn cm)
1 msk sætt mangó
Sett í matvinnsluvél og maukað
Skarfabringur lagðar í löginn (u.þ.b. 12 klst)
Bringurnar steiktar á pönnu í ca 3-4 mín. á hvorri hlið og settar í ofn við 200°c í 10-15 mín.
Sósa:
1/2 dl af mareningarleginum ásamt 1/4 l rjóma og 1 tsk gráðosti sett á pönnuna og soðið niður. Smakkað til með pipar og salti. Borið fram með kartöflum, soðnu brokkólí og steiktu grænmeti s.s. sellerýrót, kúrbít, sveppum, lauk og gulrótum. Rifsberjahlaupið klikkar heldur ekki.
Eftirréttur
Sacherrterta
Hnuplaði þessari uppskrift frá frúnni. Tertan er hreint afbragð eftir matinn með sterku og góðu kaffi.
150 gr suðusúkkulaði
100 gr smjörlíki
2 dl sykur
4 eggjarauður
¾ dl hveiti
½ tsk lyftiduft
Aðferð:
Smjörlíki og sykur þeytt saman. Eggjarauðum bætt í. Súkkulaðinu, sem búið er að bræða yfir vatni, bætt í. Hveitið og lyftiduftið út í. Eggjahvíturnar þeyttar vel og bætt varlega í síðast (ekki í hrærivélinni). Einn botn. Bakaður við 175 gráður a.m.k. í ½ klst. Ofan á botninn smyr maður apríkósumarmelaði og efst kemur svo bráðið súkkulaði og 1 msk. smjörlíki.
Njótið vel!
Fleiri fréttir
-
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.