Almannavarnir gáfu grænt ljós á leikinn
Talsverðar umræður sköpuðust á samfélagsmiðlum í kjölfar körfuboltaleiksins sem fram fór í Síkinu síðastliðið mánuudagskvöld. Voru margir hneykslaðir, sárir og svekktir og sumir jafnvel reiðir yfir því að leikurinn hafi farið fram þrátt fyrir að samfélagið í Skagafirði væri hálf lamað og í lás sökum Covid-19 hópsmits. Fólki fannst þetta óábyrgt og beindist ergelsið að KKÍ og jafnvel Tindastól. Samkvæmt upplýsingum Feykis var ákvörðun um að leikurinn færi fram tekin í samráði við Almannavarnir daginn fyrir leik og var allra mögulegra varúðarráðstafana gætt.
Um leið og reglur voru hertar í Skagafirði um helgina kom fram að íþróttaæfingar og keppni yngri flokka yrði stöðvuð en æfingar og leikir meistaraflokka ekki. Fram kom í viðtali við Baldur Þór Ragnarsson, þjálfara Stólanna, að allir leikmenn Tindastóls-liðsins hefðu sloppið viðí sóttkví. Þar er til dæmis ólíku saman að jafna við fótboltaliðin á Króknum en leikjum þeirra var frestað enda voru leikmenn kvenna- og karlaliðsins komnir í skimunarsóttkví um helgina vegna tenginga við fólk sem mögulega var smitað. Öll þau sýni reyndust sem betur fer neikvæð.
Leikurinn gegn Stjörnunni var liður í síðustu umferð deildarkeppninnar og þá ber að spila alla leikina á sama tíma til að gæta jafnræðis. Það hefði því sjálfsagt þurft að fresta öllum leikjunum ef þessum leik hefði verið frestað. Hefðu Almannavarnir ekki treyst því að hægt yrði að framfylgja öllum varúðarráðstöfunum hefði leikurinn ekki farið fram.
Feykir hafði samband við Ingólf Jón Geirsson, formann körfuknattleiksdeildar Tindastóls, og að hans sögn beið KKÍ eins og lið Tindastóls eftir grænu ljósi frá Almannavörnum. Staðfesting fékkst frá Almannavörnum kvöldið fyrir leik og því fór lokaumferðin fram. „Leikurinn var settur á með samþykki Almannavarna, [spilaður] fyrir luktum dyrum og með lágmarksmannskap í húsi. Skil vel pirring í okkar fallega samfélagi fyrir að allt sé lokað en einhverjir vitleysingar að leika sér í boltaleik en þetta var síðasti leikur í deild, spilaður með leyfi Almannavarna og allar sóttvarnareglur virtar til fullnustu. Íþróttahúsið var lokað og sótthreinsað fyrir og eftir leik og allar persónulegar sóttvarnir virtar og nýttar,“ segir Ingó.
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.