Alltaf einhver ævintýr :: Sauðburður í september
Nú er sá tími ársins þegar bændur heimta fé sitt úr afréttum landsins og oftar en ekki kemur færra heim en vonast er eftir. Alls konar afföll geta orðið af ýmsum ástæðum og því skemmtilegt að geta sagt frá því þegar fjölgar í hópnum.
Þannig var að þegar Sigurður Steingrímsson, fyrrum bóndi á Ysta-Mói í Fljótum og núverandi frístundabóndi á Nöfum á Sauðárkróki, kom úr Laufskálaréttum sl. laugardag ákvað hann að keyra á Nafirnar og athuga stöðuna á kindahópnum og sá þá eitthvað óvenjulegt niðri á túninu. Sigurður segir að það séu alltaf einhver ævintýr. „Ég tók upp kíkinn og sá að hún var borin sú flekkótta sem var geld í vor, þremur lömbum. Og ekki neitt smá lömb,“ sagði Sigurður þegar Feykir hafði samband en mjög óvenjulegt er að kindur beri á þessum árstíma. „Þetta er sjaldgæft og sérstaklega þrílembt. Hún var reyndar þrílembdur gemlingur í fyrra en tvö þeirra voru dauð en það sem lifði varð stórt eða um 22 kíló.“
Nafnlausa-flekka með nýbornu afkvæmin
og hjá þeim stendur eigandinn stoltur enda
þremur lömbum ríkari en fyrir fáeinum dögum.
Mynd: PF.
Sigurður segir að Andrés bóndi í Tungu hafi farið á mánudeginum áður fram í Hryggjardal og hafi komið með um 50 kindur. „Þessi var með í þeim hópi en ég fékk fimm þá. Hann sagði að hún hefði verið svo latræk og þetta er náttúrulega skýringin. Hún hafði verið þrjá daga hér heima þegar hún bar. “
Meðgöngutími kinda er 21 vika sem gerir tæpa fimm mánuði svo reikna má með að ærin hafi komist í hrút um mánaðamótin apríl maí. Sigurður segir að hún hafi verið sónuð geld í vetur svo hún fékk að fylgja hrútunum út á tún og þar hafi hún fengið.
Kindina, sem enn er nafnlaus, keypti Sigurður í Hjarðarfelli á Snæfellsnesi en alls eru það tuttugu ær sem Sigurður fóðrar á Nöfum svo það er eitthvað í að líta. „Þetta heldur manni gangandi svona á gamals aldri,“ segir hann en nú bætist aðeins á gátlistann þar sem kindin er komin inn enda hefur veðrið ekki verið neitt sérstakt fyrir nýborin lömb.
Eins og áður hefur komið fram bjó Sigurður í Fljótum áður en hann flutti á Krókinn 2018 og þá með nokkuð fleiri kindur eða um 200 hausa. Skemmtilegt er frá því að segja, fyrst verið er að ræða um nýfædd lömb í september, að síðasta haustið sem hann bjó á Ysta-Mói bar ein ærin í september. „Hún var með einu lambi sú. Ég held að þetta sé sérstakt að það komi þrjú, þetta er náttúrulega ekki eðlilegur burðartími.“
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.