400 krakkar á Smábæjarleikunum á Blönduósi um helgina
Smábæjarleikarnir á Blönduósi hefjast í dag og standa fram á sunnudag. Á mótið eru skráðir um 400 krakkar í rúmlega 50 liðum úr 12 félögum, alls staðar af landinu.
Þátttakan er aðallega bundin við smábæi en einnig hafa C, D og jafvel E lið stærri félaga fengið að taka þátt í mótinu, Haukar komu lengi vel á mótið og svo hefur ÍA einnig komið. Í eitt skiptið komu meira að segja tvö lið frá Grænlandi á mótið.
Undirbúningur fyrir mótið hófst í febrúar, ákveðið var að seinka mótinu í ár en Smábæjaleikarnir hafa alltaf verið haldnir þriðju helgina í júní, þetta var aðallega gert vegna óvissu með takmarkanir vegna Covid-19 og talið við öruggara að seinka mótinu ekki þyrfti að aflýsa því en það var einmitt það sem þurfti að gera í fyrra.
“Núna í ár eru þetta eingöngu minni bæir en sú skemmtilega nýjung er núna að við erum með eitt "heimatilbúið" lið ef svo má að orði komast, en það eru 8. bekkjarfélagar úr Ártúnsskóla sem skelltu í lið og skráðu sig á mótið, aðeins einn þeirra er að æfa fótbolta en allir áhugasamir, þetta er concept sem við gætum mögulega hugsað okkur að vinna með við markaðssetningu mótsins í framtíðinni,” segir undirbúningsnefnd mótsins, en Feykir sendi henni nokkrar spurningar.
Á laugardagskvöldinu verður kvöldvaka í íþróttahúsinu þar sem þeir félagar Jógvan og Friðrik Ómar sjá um að skemmta fólkinu og eru allir bæjarbúar velkomnir á hana. Öll liðin fá síðan frítt í sund á mótinu.
/SMH
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.