40 ára afmæli Skagfirðingabúðar fagnað með grillveislu og afsláttum
Í sumar eru liðin 40 ár frá því að Skagfirðingabúð fór að selja Skagfirðingum vörur en búðin opnaði þann 19. júlí árið 1983.
Í tilefni af því verður blásið til grillveislu fyrir utan búðina laugardaginn 15. júlí frá kl. 13-15. Einnig verður hægt að gera kostakaup í búðinni á föstudag og laugardag því það verður 40% afsláttur af fatnaði, skóm, gjafavöru, leikföngum, búsáhöldum, garni, bókum, ritföngum og 10% afsláttur af raftækjum og matvöru.
Við opnun Skagfirðingabúðar á sínum tíma færðist starfsemi sex deilda Kaupfélags Skagfirðinga undir eitt þak: Kjörbúðin við Smáragrund, Byggingarvörudeild við Aðalgötu, Vefnaðarvörudeild, Ritfangadeild, Grána og Lagersalan Eyri. Nafn búðarinnar var sótt til samkomutjalds Skagfirðinga sem reist var á árum áður við hvers kyns mannfagnað.
Það nafn hefur reynst vel við hæfi því enn þann dag í dag má segja að Skagfirðingabúð sé einn helsti samkomustaður Skagafjarðar. Það eru alla vega alltaf líkur á því að hitta góða kunningja í Skagfirðingabúð og spjalla um daginn og veginn eftir að hafa áttað sig á því að maður þyrfti ekki eitthvað, því það fékkst ekki Skaffó.
/SMH
Fleiri fréttir
-
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.