14,5% hækkun Landsnets veldur 3-5% hækkun hjá viðskiptavinum RARIK nú um áramótin
Áhrif hækkunar Landsnets á viðskiptavini RARIK er sú að frá 1. janúar nk. munu þeir greiða 3 til 5% meira í heildar flutnings- og dreifikostnað, háð töxtum og nýtingartíma.
Ástæða hækkunar Landsnets á gjaldskrá um 14,5%
Í tilkynningu sem RARIK barst frá Landsneti vegna hækkunarinnar kom fram að hluti hækkunarinnar, eða 7% er tilkominn vegna endurmats Landsnets á flutningsgjaldskrá í samræmi við tekjumörk fyrirtækisins. Hins vegar er rúmlega helmingur hækkunarinnar eða 7,5% til kominn vegna nýlegs dóms Landsréttar. Landsvirkjun höfðaði mál gegn Landsneti og Orkustofnun þar sem krafist var viðurkenningar á því að óheimilt hafi verið að leggja aflgjald á Landsvirkjun vegna virkjana sem mata raforku inn á flutningskerfi Landsnets. Dómur var kveðinn upp í Landsrétti föstudaginn 20. október 2023 þar sem niðurstaða dómsins var sú að fallast á kröfur Landsvirkjunar.
Vegna niðurstöðu dómsins telur Landsnet rétt að breyta uppbyggingu flutningsgjaldskrár sinnar þannig að dreifiveitur (eins og RARIK) og stórnotendur greiði nú kostnað vegna innmötunar virkjana sem tengjast flutningskerfi Landsnets. Kostnaður vegna innmötunar þeirra verður því hluti af flutnings- og dreifikostnaði.
Þessi breyting þýðir einnig að þær virkjanir sem mata raforku inn á flutningskerfið munu greiða lægri gjöld til flutningsfyrirtækisins en annars væri. Orkuframleiðendur, t.a.m. Landsvirkjun ætti því að hafa tækifæri til að lækka heildsöluverð til sölufyrirtækja sem starfa á smásölumarkaði til samræmis. Með því skapast einnig tækifæri fyrir sölufyrirtækin að bjóða sínum viðskiptavinum lækkað verð á raforkunni.
Hér er hægt að skoða verðskrá sem Rarik hefur gefið út.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.