112 dagurinn á morgun, 11. febrúar
Á morgun, þriðjudaginn 11. febrúar, er að venju 112 dagurinn og verður hann haldinn hátíðlegur um land allt. Dagsetningin 11. 2. á að minna okkur á neyðarnúmer allra landsmanna, 112 og er mikilvægt að minna á þetta númer af því þetta er eina númerið sem landsmenn þurfa að þekkja í neyð.
Börn geta verið stórkostlegar fyrirmyndir þegar kemur að öryggi og forvörnum og verður því þema 112 dagsins í ár, 2025, Börn og öryggi.
Börn geta verið fyrirmyndir á marga vegu í daglegu lífi, eins og þegar þau ganga með endurskinsmerki eða eru með hjálm þegar þau hjóla. Þegar þau spenna beltin í bíl og auðvitað þegar þau minna fullorðna á að vera ekki í símanum við akstur. Börn eru líka aðstoðarmenn slökkviliðs í leik- og grunnskóla og eru frábærir innhringjendur þegar þau hringja í Neyðarlínuna.
Í Húnaþingi vestra ætla viðbragðsaðilar að efna til hópaksturs um Hvammstanga. Allir fá að fara með í bílana á meðan pláss leyfir og verður lagt af stað í hópaksturinn frá Húnabúð – slökkvistöð kl. 16.30. Hópaksturinn endar svo aftur á sama stað og þar verður hægt að fá að skoða tækin. Í tilkynningunni segir; endilega komið með eða kíkið við og samfagnið deginum með viðbragðsaðilum í Húnaþingi vestra.
Á Sauðárkróki ætla viðbragðsaðilar á svæðinu að hittast við Árskóla kl. 9:45 og sýna yngsta stigi og miðstigi skólans bílana.
Hópakstur frá Björgunarfélaginu Blöndu í Húnabyggð verður kl. 17 um þéttbýli Húnabyggðar, öllum velkomið að koma í heimsókn milli kl. 17.30 og 18.30.
Á Skagaströnd verður hópakstur frá Björgunarsveitinni Strönd kl. 9:30 sem ekur um þéttbýlið með sírenur og ljós. Frá kl. 9:40 verður svo hægt að skoða öll tækin við íþróttahúsið.
Fleiri fréttir
-
Opið fyrir umsóknir um styrki til atvinnumála kvenna!
feykir.is Skagafjörður, Austur-Húnavatnssýsla, Vestur-Húnavatnssýsla 10.02.2025 kl. 10.57Nú er opið fyrir styrki til atvinnumála kvenna og er umsóknarfrestur til og með 14. mars. Hægt er að sækja um styrki til vöruþróunar, markaðssetningar og vegna launakostnaðar (fyrir nýlega stofnuð fyrirtæki), Hámarksstyrkur er 4 m.kr. og er hægt að sækja um styrki fyrir helmingi kostnaðar. Einnig er hægt að sækja um styrki til gerðar viðskiptáætlana að upphæð kr. 600.000.Meira -
Vann til sex verðlauna á Unglingalandsmótinu sl. sumar
feykir.is Skagafjörður, Íþróttir, Lokað efni 10.02.2025 kl. 10.00Það er komið að næsta íþróttagarpi en það er engin önnur en Súsanna Guðlaug Halldórsdóttir. Súsanna er fædd árið 2009 í Árósum í Danmörku en flutti 18 mánaða á Ríp 3 í Hegranesinu í Skagafirði. Foreldrar hennar eru Hildur Þóra Magnúsdóttir og Halldór Brynjar Gunnlaugsson en hún á einnig tvo eldri bræður, þá Magnús Hólm og Brynjar Þór.Meira -
Kjúklingaréttur og ástríðufull marengsterta | Matgæðingur Feykis
feykir.is Skagafjörður, Í matinn er þetta helst, Lokað efni 10.02.2025 kl. 09.32Matgæðingur vikunnar í tbl. 29, 2024, var Margrét Árnadóttir, Hofsósingur með siglfirskt og Strandablóð í æðunum. Margrét er búfræðingur og líður best í sveit með kindum og kúm. Hún hefur unnið í KS Hofsósi undanfarin ár ásamt því að vinna í fjósi frá því síðasta haust þar sem hún uppgötvaði að henni líkar mun betur við kýr en hana grunaði. Sl. haust skildu þó leiðir þar sem hún dreif sig í stórborgina og fór að vinna í leikskóla.Meira -
Erfið byrjun Stólastúlkna í Lengjubikarnum
feykir.is Skagafjörður, Íþróttir, Lokað efni 09.02.2025 kl. 23.08Það er óhætt að segja að lið Þórs/KA hafi ekki sýnt Stólastúlkum neina miskunn þegar liðin mættust í Boganum á Akureyri seinni partinn í dag í fyrstu umferð Lengjubikarsins. Þær akureysku voru í miklum ham og tóku forystuna eftir þrjár mínútur. Staðan var síðan 5-0 í hálfleik og fór svo á endanum að lokatölur voru 9-0.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.