Reynir tók bara Möllerinn á þetta
Reynir Ármann Sigurðsson leikfimikennari (66), sem margir þekkja undir nafninu Reynir Á. Sig., komst í hann krappann nú í sumar. Hann og kona hans höfðu grillað sér svínalundir í sumarbústaðnum og höfðu með þeim sætar kartöflur og hvítlaukssósu. Skyndilega stóð einn bitinn í konunni hans og þá voru góð ráð dýr. Dreifarinn fékk að heyra alla sólarsöguna.
Hvað gerðist eiginlega Reynir? -Hún tuggði ekki bitann nógu vel, ég er alltaf að segja henni að borða hægar – borðaðu hægar Bogga mín, segi ég alltaf – en hún er bara svo skelfing gráðug blessunin.
Og hvað svo? -Nú svo eins og ég segi erum við að borða þarna í bústaðnum og þá stendur biti allt í einu í henni, hún grípur um hálsinn og er bara alveg að kafna blessunin og það kemur eitthvað fát á mig. – Meiri vitleysan, maður á ekki að segja frá svona löguðu. Auðvitað veit ég hvað maður á að gera en ég bara ruglaðist svona svakalega í ríminu. –
Nú? -Já, ég ruglaðist á nöfnum, panikaði alveg gjörsamlega. Í staðinn fyrir að taka Heimlick-takið þá fer ég að gera Möllers-æfingarnar. Eðlilegur misskilningur, bæði nöfnin þýsk held ég. En ég stend bara fyrir framan hana Boggu eins og hálfviti, teygi mig og beygi eftir kúnstarinnar reglum og ég sé bara hvernig augun standa á stilkum – hún var svo hissa, já og reið greyið. Og ég held bara áfram mínum æfingum...
Tókstu Möllers-æfingarnar?! -Jájá, alveg á fullu og hún spratt svo á fætur, farin að blána upp, og benti á mig, eins og hún ætlaði að skamma mig, en svo bara þegar hún reynir að grípa í mig þá dettur hún í gólfið og þar, sem betur fer, spýttist bitinn upp úr henni. Og hún var nú barasta fljót að koma til. Við hlógum að þessu þegar hún hafði jafnað sig og kláruðum að borða í rólegheitum.
Þannig að allt er gott sem endar vel? -Það er öruggt. Ég vona að sem flestir kynni sér Heimlich-takið og passi sig á að rugla því ekki saman við Möllers-æfingarnar. En ég er nú ekki frá því að Möllers-æfingarnar hafi bjargað henni Boggu minni, hún varð svo reið þegar hún sá mig gera þær að hún féll í gólfið í æsingnum.
Hafiði eitthvað lært á þessari uppákomu? -Jaaá, hún reynir að borða hægar og tyggja matinn sinn betur.
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.