Óþolandi ójafnrétti kynjanna
Guðbjartur Guðjón Guðmundsson hafði samband við Dreifarann og lýsti yfir áhyggjum sínum af jafnréttismálum kynjanna. Þar sem jafnréttisbaráttan er fréttastofu Dreifarans hjartans mál og mál málanna í dag var hringt í Guðbjart og fengin nánari útskýring á máli hans.
Hvað segirðu Guðbjartur, við hvað ertu ósáttur? -Nú, ég er búinn að vinna heima síðast liðin 5 ár, hugsa um heimilið, elda mat, þvo þvott og ala upp börnin og svona. Við hjónin viljum hafa þetta svona þar sem konan mín er í svo góðri stöðu, hún þénar á við tvo til þrjá í hverjum mánuði.
Þú getur varla verið ósáttur við hag þinn þar sem þið hjónin hafið ákveðið þetta í sameiningu? -Ha? Ekki ósáttur?! Engan derring væni minn, ég er mjöööög ósáttur, málið er að ég kemst aldrei í frí... ég er farinn að þrá gott frí.
En hvernig kemur þetta jafnréttisbaráttu kynjanna við Guðbjartur? -Já ég skal nú útskýra það fyrir þér. Það er alveg kristaltært. Sjáðu nú til vinur, um daginn sá ég auglýsingu þar sem auglýst var eftir þátttöku kvenna í orlofsferð húsmæðra... auðvitað er það allt gott og blessað, en nú spyr ég: Hvar er orlofsferð húsfeðra? Svaraðu því! Hvers eigum við húsferður að gjalda?
Þú segir nokkuð Guðbjartur, en hvaða vesen er þetta, getur þú ekki bara farið í frí? -Neeeeeiii... ekkert svona vinur minn. Í lögum frá Alþingi segir orðrétt, ég er með þetta hérna fyrir framan mig: „Sérhver kona, sem veitir eða hefur veitt heimili forstöðu, án launagreiðslu fyrir það starf, á rétt á að sækja um orlof.“ Sko! Þetta er kristaltært. Ég er ekki kona, ég er karl sem hefur veitt heimili forstöðu, án launagreiðslu. Hvar get ég sótt um orlof? Ertu ekki að sjá kynjamisréttið í þessu vinur minn?
Þetta er alveg greinilegt, ertu með einhver fleiri dæmi? -Já, það vantar sko ekki dæmin. Til dæmis hef ég mjög gaman af því að hreyfa mig. Einu sinni á ári gefst öllum konum á Íslandi kostur á að hreyfa sig í svokölluðu Kvennahlaupi. Þar fá þær bol og medalíu – hversu frábært er það? Ég hef aldrei fengið verðlaunapening fyrir neitt. Og þá spyr maður sig: Hvar er Karlahlaupið? Ég spyr aftur: Ertu ekki að sjá kynjamisréttið vinur minn?
Eitthvað sem þú vilt segja að lokum? -Að lokum? Ég er rétt að byrja vinur. En jú, blessuð kvenfélögin, fyrsta markmið þeirra er að efla húsmæðrafræðslu og heimilisiðnað í landinu með hvatningu, fjárstyrk og eftirliti. Fæ ég þá enga fræðslu? Hvar eru karlfélög þessa lands? Hvar er Karlaathvarfið? Ertu ekki að sjá kynjamisréttið vinur minn og...
Já takk, jújú, þakka þér Guðbjartur fyrir þitt áhugaverða innlegg í jafnréttisumræð... -...Bíddu, bíddu, bíddu, ég er ekki búinn, ég er með annað dæmi þar sem við karlarnir stöndum höllum fæti og það er tengt blessuðum börnunum og hlustaðu nú: Hvenær hefur konu verið verið kenndur krakki sem hún á ekk!? Ha? Þetta er ósvinna, það er það bara og ég hef skömm á þessu óréttlæti. Ég vil mitt frí og mitt mannorð og það strax!!!
Takk Guðbjartur.
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.