Leiðari Feykis fær lof
„Já, ég er hérna að hringja út af leiðaranum í síðasta blaði. Þarna þar sem segir að kellingar eigi að halda kjafti. Mikið óskaplega er ég sammála þessu. Ég vil bara þakka ritstjóranum fyrir þessi skrif. Getur þú þakkað honum fyrir mig?“
„Ég get komið því til skila já.“
„Já, mér finnst að konur ekki eiga að vera skipta sér að svona því sem skiptir máli í samfélaginu.Þær hafa ekki vit á þessu... þessu öllu.“
„Eins og hverju þá?“
„Nú, pólitíkinni og svona. Ég held, skal ég segja þér, að það sé aaaal-gjör tímaskekkja að konur hafi kosningarétt. Konur hafa ekkert tíma fyrir svona lagað. Að hugsa og svona. Þær eru allar farnar að vinna úti og svo eru þær í alls konar Soroptimistaklúbbum og blaki og svona á kvöldin. Þær hafa engan tíma lengur til að ala upp börnin og sinna eiginmanninum. Já, þær eiga ekkert að vera vasast í því að ráðskast svona með karlahlutina. Ég væri ekki hissa ef þær væru farnar að horfa á fótboltann í sjónvarpinu... hahahahahaha.“
„Nei, nú ertu að grínast!?“
„Síður en svo. Ég sé þetta bara þegar ég fer út í búð. Ekkert nema karlar að versla inn, þreytulegir með baugana hangandi niður í munnvikin og innkaupamiðana á lofti. Alveg vita undir hælnum á mæðraveldinu. Óskaplegt að sjá þetta nú til dags.“
„Er þetta nú ekki svolítið ýkt hjá þér?“
„Nei, karlar þurfa að fara að standa í lappirnar. Mér finnst þetta óskaplega dapurlegt að horfa upp á syni mína svona beygða, þeir eru jafnvel farnir að ryksuga og svona. Halldór gerðu þetta, Símon gerðu hitt! Og svo hlýða þessir vesalingar bara öllu. Það er af sem áður var skal ég segja þér! Ég kem í það minnsta ekki svona fram við minn mann.“
„Það er nefnilega það. Frá hverjum á ég að skila kveðju til ritstjórans?“
„Nú frá mér, Guðrún hérna á Freyjugötunni. Þakkaðu honum vel fyrir leiðarann, hann var alveg frábær.“
„Guðrún, lastu allan leiðarann?“
„Neinei, ég las nú bara fyrirsögnina. Hvernig var þetta nú? Já, hérna er þetta: „Konur skulu þegja.“ Alveg frábært og já, bara orð í tíma töluð. En þú skilar kveðjunni.“
- - - - -
* Lesendum til glöggvunar þá skal það tekið fram að þar sem Guðrún las ekki allan leiðarann þá áttaði hún sig ekki á því að leiðarinn fjallar einmitt um að konur eigi að láta raddir sínar heyrast. Titillinn því í raun öfugmæli þó vitnað sé í Pál postula.
Fleiri fréttir
-
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira -
Mynd Óskars Páls, Árnar þagna, sýnd í Króksbíó
feykir.is Skagafjörður, Listir og menning, Lokað efni 22.11.2024 kl. 09.00Óskar Páll Sveinsson ætlar að koma á heimaslóðir og bjóða Skagfirðingum í bíó. Næstkomandi mánudag kl. 20. sýnir hann í Sauðárkróksbíói heimildamyndina Árnar þagna sem fjallar um áhrif sjókvíaeldis á laxi á lífríki og afkomu fjölskyldna í sveitum Íslands og Noregs sem hafa byggt lífsafkomu sína á hlunnindum af sjálfbærum stangveiðum í margar kynslóðir.Meira -
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.