Naflinn á Norðurlandi vestra :: Leiðari Feykis
Ársþing KSÍ fór fram fyrir stuttu á Ísafirði að viðstöddum stjórnum og ráðum sambandsins ásamt fulltrúum íþróttafélaga víðs vegar að af landinu. Eftir athugun kjörbréfanefndar kom í ljós að litlu mátti muna að þingið teldist ólöglegt þar sem rétt yfir helmingur kjörinna fulltrúa voru mættir við setningu þess. Þar mátti kenna veðri að einhverju leyti um því flugi til Ísafjarðar hafði seinkað og einhverjum hefur efalaust fundist landleiðin það löng að ekki væri þess virði að eyða tíma í þá keyrslu.
Alls áttu 144 fulltrúar rétt til setu á ársþingi KSÍ að þessu sinni en aðeins 70 voru mættir við þingsetningu eða 50,7%. Eftir hádegið fjölgaði örlítið eftir að náðist að fljúga sex fulltrúum í viðbót vestur og hlutfallið hækkaði í 55%.
Fram kom í snaggaralegri yfirferð gjaldkera um reikninga síðasta árs að tekjur umfram gjöld hafi verið tæpar 299 milljónir króna en í áætlun hafði verið gert ráð fyrir rúmlega 136 milljónum og mátti skýra þann mun að mestu leyti með hækkun sjónvarpsréttarsamninga og mótvægisstyrk ríkisstjórnarinnar vegna Covid. Hagnaður ársins 2022 var kr. 156.862.704. Ýmis mál voru rædd á þinginu og m.a. voru tillögur um breytingar á lögum og reglugerðum teknar til afgreiðslu.
Þetta er fyrsta ársþing KSÍ sem ég sit, og kannski það eina, en ég bauðst til að fara með frúnni þegar ljóst var að hún væri sú eina sem kæmist á þingið úr stjórn knattspyrnudeildar Tindastóls. Góður liðsauki barst okkur eftir að við mættum vestur þar sem ektamaður formanns sambandsins var munstraður í hópinn. En hvað um það.
Þar sem leiðin til Ísafjarðar er löng og ekki alltaf hægt að treysta á loftsamgöngur var það ágætis lexía fyrir hvern þingfulltrúa að upplifa vegalengdirnar sem sum íþróttafélög standa frammi fyrir þegar farið er til keppni. Í mjög svo athyglisverðu málþingi, sem haldið var á föstudeginum, kom það skýrt í ljós í máli Jóns Hálfdáns Péturssonar, um áskoranir og tækifæri í knattspyrnustarfinu á Vestfjörðum, hve aðstöðumunur liða er misjafn á landsbyggðinni. Íþróttafélagið Vestri er eitt þeirra félaga sem lengst þurfa að sækja sínar keppnir en þrjá til fjóra klukkutíma tekur það að komast akandi út af Kjálkanum og þá á eftir að keyra suður, norður eða austur til að komast á keppnisstað og svo heim aftur.
Sömu sögu er að segja um þau sem búa á Höfn í Hornafirði líkt og kom fram í erindi fyrrverandi atvinnumannsins og varnarjaxls íslenska landsliðsins Ívars Ingimarssonar, í hans erindi. Sjálfur ólst hann upp á Stöðvarfirði en hann benti á í sínu máli hve mikið iðkendum hafi fækkað á landsbyggðinni sem leitt hafi til samþjöppunar félaga og áhrif þeirrar þróunar á byggðirnar. Benti hann m.a. á að kvennalið Sindra hafi ferðast sem nemur vegalengdinni frá Íslandi til höfuðborgar Suður-Afríku síðasta keppnistímabil. Geri aðrir betur.
Eftir málþingið sá ég að við á Norðurlandi vestra erum í raun í ágætum málum, verandi úti á landi. Eiginlega má segja að sannast hafi það sem löngu er vitað að við séum í naflanum.
Góðar stundir
Páll Friðriksson
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.