Lífið í sveitinni :: Áskorandapenninn Valgerður Kristjánsdóttir Mýrum
Nú vorar og sól hækkar á lofti, náttúran vaknar öll. Fuglarnir eru að koma, hér eru túnin full af gæsum og helsingjum á morgnana þegar maður vaknar. Morgnarnir eru fallegasti tími dagsins hér á Mýrum, þá er logn og oft sól á lofti. Loftið er svo tært og hreint og maður getur ekki annað en teygt úr sér og notið þess að vera bara til. Allt lítur betur úr þegar fer að vora.
Rjúpurnar sem ég er að dást að eru byrjaðar að verða brúnar, hrafninn er búinn að verpa í laupinn sinn og skógarþrestirnir syngja. Nú eru ærnar okkar farnar að fara út í réttina, þessar tvílembdu sem eru á gjafagrind. Þær stinga nefinu upp í lofti og hnusa fegnar að komast út undir bert loft eftir inniveruna í vetur. Það er búið að hreinsa réttina, skipta um möl í henni og setja upp nýjar þakrennur svo allt sé eins hreint og fínt og hægt er áður en sauðburður hefst.
Karl minn vaknar eldsnemma á morgnana á meðan enn er frost til að dreifa skít og má segja að peningalyktin af honum liggi í loftinu. Vart má á milli sjá hvor þeirra frænda á Mýrum eru harðari í skítakeyrslunni.
Þau vátíðindi bárust á dögunum að riða væri komin upp í Miðfirði, á bæjunum Bergsstöðum og á Urriðaá. Nú er búið að lóga þar öllum ám og hrútum og ýmist brenna eða grafa. Það að fá riðu í Miðfjörð var mikið reiðarslag fyrir okkur. Húnavatnssýslur byggjast mikið upp á sauðfjárrækt og er það eitt aðal lifibrauð manna hér. Sauðkindin hefur fylgt manninum frá byggð Íslands og þjóðin lifað á henni. Til gamans má geta að á Hvammstanga er ekki stytta af manni, eins og víða má sjá, heldur sauðkind, nánar tilgreint hrút, fyrir framan sjúkrahúsið á þar til gerðum hring sem hægt er að aka umhverfis. Þetta er hinn myndarlegasti hrútur og gleður eflaust gamlingjana og alla íbúa staðarins.
Nú eru stjórnmálamenn komnir í málið og farnir að lofa fé til rannsókna á riðunni svo landið verði ekki fjárlaust áður en við vitum af. Það verður sauðkindinni og okkur bændum kannski til happs að ARR arfgerð fannst í einni hjörð nýverið og munu menn leggja kapp á að gera allan íslenska fjárstofninn þolinn gegn riðuveiki. Þar fer fremst í broddi fylkingar Karólína í Hvammshlíð, ásamt fríðu föruneyti erlendra sérfræðinga, og vil ég færa henni mínar bestu þakkir fyrir.
Í haust eru liðin 20 ár síðan ég flutti á Hvammstanga með drengina mína þrjá og tók við sem kaupfélagsstjóri hjá Kaupfélagi Vestur Húnvetninga. Það voru erfiðir tímar og vil ég nú þakka samstarfsfólki mínu fyrir góð störf. Kaupfélagið starfar enn. Haustið 2004 bauð ungur bóndi mér í mat á Heggstaðanesið og matarboðið stendur enn og ég er enn að njóta. Húnvetningar eru gott fólk og tóku mér vel.
Ég skora á Sigurð Ingva Björnsson, bónda á Bálkastöðum, til að vera næsta áskorendapenna.
Skrifað á sumardaginn fyrsta.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.