Jákvæðu hliðarnar :: Áskorandapenni Anna Margrét Jónsdóttir Sölvabakka
Nú í vetur hef ég verið virkur þátttakandi í svokölluðum hundahittingum sem haldnir eru á sunnudagskvöldum í reiðhöllinni á Blönduósi. Bjarki á Breiðavaði heldur utan um þessar samkomur og vil ég koma á framfæri þakklæti fyrir það óeigingjarna starf sem hann innir af hendi.
Hann mætir þarna í hverri viku með kindur og er boðinn og búinn að aðstoða okkur misfæra hundaeigendur í að reyna að temja okkar misgáfulegu hunda. Hann hvetur okkur áfram og er duglegur að finna og benda á jákvæðu hliðarnar, hvernig sem hundurinn (já eða ekki síður eigandinn.....) stendur sig.
Hún Skrúfa mín, sem fræg er orðin í héraðinu eftir síðasta Hreppablót, er mikið átaksverkefni. Ég hugsa stundum að ef ég væri nú jafn dugleg og orkumikil og hún, þá væri miklu komið í verk á bænum. Þó gæti það verið tvíbent þegar þess er minnst sem ég heyrði einu sinni fleygt; að duglegir vitleysingar væru þeir verstu, því þeir gætu komið svo mikilli vitleysu í verk á skömmum tíma. Það liggur þó ljóst fyrir að ég verð að reyna að tjónka eitthvað við hana, því eins og Bjarki sagði um daginn, þá er hún bara orðin hluti af samfélaginu.
Nú er það svo að hundar hafa, alveg eins og við mannfólkið, sínar sterku og veiku hliðar. Sumir eiga erfiðara með að hlaupa til hægri en vinstri eða öfugt. Sumir fara of hratt en aðrir eru feimnir og þurfa hvatningu. Allt er þó hægt að þjálfa með þolinmæði og þar sem maður situr á bekknum og fylgist með hundaeigendum þjálfa hunda sína getur maður ekki annað en velt fyrir sér hvort ekki sé hægt að þjálfa okkur mannfólkið betur hvað okkar styrkleika og veikleika varðar. Getum við ekki oftar hvatt þá sem alltaf hlaupa til hægri til að fara stundum til vinstri, ýtt við þeim sem þurfa hvatningu og fengið þá sem fara full geyst til að staldra aðeins við áður en anað er út í vitleysu. Fyrst og fremst þurfum við þó að taka Bjarka okkur til fyrirmyndar, að einblína á jákvæðu hliðarnar hvert á öðru og muna að öll erum við hluti af samfélaginu.
Ég skora svo á minn gamla félaga, Þórð Pálsson frá Sauðanesi, til að taka við áskorendapennanum og láta okkur heyra það...
Áður birst í 13. tbl. Feykis 2023
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.