Hæglætis veður en mest norðlægar áttir með ágætis köldu vori
Spámenn Veðurklúbbs Dalbæjar hittust þann áttunda maí sl. til að rýna í veðurútlit mánaðarins en í fundargerð segir að vegna veikinda hafi fundurinn verið í seinna lagi. Að þessu sinni voru mætt þau Haukur Haraldsson, Bergur Þór Jónsson, Hörður Kristgeirsson, Magnús Gunnlaugsson, Sigríður Hafstað, Guðrún Skarphéðinsdóttir, Jón Garðarsson, Kristján Loftur Jónsson og Þóra Jóna Finnsdóttir.
„Hæðarennan austan við Grænland náði að hafa meiri áhrif á veðrið undanfarið en við höfðum gert ráð fyrir. Núna teljum við að nýtt tungl fái loksins að hafa áhrif á veðrið því það virðist ætla að verða bara svipað út mánuðinn og verið hefur undanfarna viku hérna á Stór-Dalvíkursvæðinu, nefnilega hæglætis veður en mest norðlægar áttir með ágætis köldu vori.
En um Hvítasunnuhelgina gæti aðeins kólnað og ef einn draumurinn stenst þá verða annað hvort skriðuföll eða jafnvel jarðhræringar á þeim tíma, en þó ekkert hræðilegt. En í framhaldi af því þá rifjuðum við upp upplýsingar um Dalvíkurskjálftann sem hristi allrækilega þessar slóðir þann annan júní árið 1934.
Þá kom einnig stór skjálfti úti á Skagafirði 1963 sem við skoðuðum upplýsingar um.
Við skoðuðum hvar hafísinn hafi haldið sig undanfarin mánuð og búumst ekki við neinum ísbjörnum hingað til lands þetta árið,“ segir í fundargerð Dalbæinga.
Fleira var spjallað og spekúlerað en það fáum við víst ekki frekari upplýsingar um, en þau sem geta og vilja eru hvött til að mæta á næsta fund til að taka þátt og fræðast frekar um Veðurklúbbinn, fundina og hvað fer þar fram. Upplýsingar má efalaust finna þegar nær dregur á Facebook en þar er Veðurklúbburinn kominn með heimasíðu sem þegar hefur vakið mikla athygli. „Mikið er dásamlegt hve margir hafa nú þegar sýnt því áhuga að tengjast okkur á andlitsbókinni, eftir þennan stutta tíma síðan við ákváðum að flækjast í netið þá eru rúmlega 1250 manns búin að vingast við okkur og þökkum við kærlega fyrir stuðninginn og áhugann,“ skrifar ritari klúbbsins og kveður með kveðskap að vana.
Ef þú ferð að skjálfa
þú þyrftir þig þjálfa.
Því það er sko undur
að þekkja ekki sundur
kálfana sína og álfa.
Höf. Bjór.
Þegar að maí var svo mildur
þá sagði hún ungfrú Grimmhildur:
Nú vorverkin kalla
sko á ykkur alla
að gera ykkur skömm eða skyldur.
Höf. Bjór.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.