Gleðilegt sumar! – Leiðari Feykis
Þegar þessi pistill er skrifaður, á sumardeginum fyrsta, er 24 stiga hiti úti og að mestu heiðskýrt. Gert er ráð fyrir áframhaldandi hlýindum og jafnvel að hitastigið muni stíga frekar upp. Hér er gróður vel á veg kominn í görðum og torgum enda vökvaðir reglulega. Helst til þurrt fyrir úthagagróður og hagi er enginn. Mannlífið er gott, fólk spókar sig á stuttbuxunum dag hvern og lætur sér líða vel og hótel og matsölustaðir eru við hvert fótmál. Ég er staddur á Tenerife.
Það þarf nú ekki að lýsa þeirri sólarparadís fyrir nokkrum manni enda flestir Íslendingar búnir að heimsækja eyjuna a.m.k. einu sinni á ævinni. Líkt og Ísland er Tenerife eldfjallaeyja með gróðursnauðum vikursandi og fallegum hraunmyndunum víða og þó sérstaklega á norðurströndinni, og þar með held ég að megi segja að samlíkingunni ljúki.
Á Íslandi má búast við breytilegu veðri milli dagshluta en hér er veðrið eins, dag eftir dag, viku eftir viku. Reyndar er hægt að upplifa annað hitastig, annað rakastig og jafnvel vindstyrk með því að ferðast um eyjuna, sem er þó ekki nema 2% af stærð Íslands. Önnur staðreynd, sem ég fann á Facebooksíðunni Svali á Tenerife, er að Kanaríeyjar allar eru um 7500 km2, eða nokkuð minni en Vatnajökull.
Síðasta vetrardag fór ég, ásamt fleirum, hringinn um Tenerife og upplifði þessi ólíku veðrabrigði, sem mér fannst ansi merkileg. Á norðurströndinni er mun meiri gróður enda rakara og hafði t.d. rignt daginn áður. Það kom mér á óvart að almenningssundlaug ein, sem við gengum framhjá, var tóm og sagði fararstjóri það vera vegna þess að það væri svo kalt á veturna, sumarið væri ekki komið. Þó var hitinn yfir 20 gráður. Eyjaskeggjar búa ekki svo vel, líkt og við Íslendingar, að hafa nægt neysluvatn hvað þá heitt hveravatnið sem fylla sundlaugar mörlandans.
Rafmagn á Tenerife er að langmestu leyti framleitt með dísilrafölum, nokkuð margar vindmyllur hafa verið reistar undanfarin misseri og eitthvað sést af sólarsellum, sem kemur mér líka á óvart að ekki skuli vera meira af á þessum sólríka stað. Var mér sagt að ástæðan væri sú að dísilolían er niðurgreidd af spænskum skattgreiðendum svo ekki borgaði sig að fjárfesta í þeim búnaði sem breytir sólargeislum í raforku.
Hér er verðlag lágt og hægt að bruðla með gjaldeyrinn eins og enginn sé morgundagurinn. Hann borgum við seinna þegar VISA reikningurinn kemur. Hann kemur löngu eftir að heim er komið, þegar hitamælirinn nær ekki að sýna tveggja stafa tölu, þegar rignir lárétt, þegar verðbólgan hefur vaxið vegna tásumynda af Tene, þegar þú ert farinn að taka þátt í skoðanaskiptum á ný hvort virkja eigi vatnsföll eða reisa vindmyllur eða hvort leyfa eigi raforkunni að flæða á milli landshluta.
Eigum við að samþykkja hótelbyggingu á Flæðunum?
Góðar stundir!
Páll Friðriksson
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.