Framkvæmdir á áhorfendasvæði íþróttavallar
Í glampandi síðdegissól, sunnan golu og rúmlega tuttugu stiga hita fengum við að sjá léttspilandi lið Tindastólsstelpnanna gjörsigra Víkinga frá Ólafsvík á sunnudaginn var. Það var ljúft eins og alltaf þegar vel gengur að sitja uppi í stöllunum í vesturstúkunni og horfa á skemmtilegan leik.
Hitt er svo annað mál að í sumar hafa stallarnir ekki einu sinni verið slegnir og eru þeir eins óræktarlegir og sóðalegir og nokkuð getur verið, að ekki sé talað um að þeir eru allir að skríða fram og jafnast niður, enda um það bil hálf öld síðan listamaðurinn Elías B. Halldórsson hannaði þetta áhorfendasvæði og stjórnaði hleðslu sætisraðanna í tilefni fyrsta landsmótsins. Þessi gamla áhorfendastúka gefur íþróttavellinum skemmtilegan og glæsilegan svip og er til vansa ef hún drabbast niður og eyðileggst.
Svo á að fara að setja niður blaðamannahús í efstu röðinni og ekkert nema gott um það að segja, - en væri nú ekki vel viðeigandi að ganga um leið til samstarfs við Fornverkaskólann um það að hlaða stallana upp aftur og gera svæðið eins glæsilegt og það var fyrr á árum, þannig að gott og áreiðanlega fallegt hús stæði í fallegri umgjörð framan í Nöfunum.
Ef til vill finnst mörgum nægilegt að hafa sætin austan vallarins, en margir gestir sem á völlin hafa komið hafa einmitt bent á hversu brekkan að vestanverðu er skemmtileg, og hana megum við ekki eyðileggja, auk þess sem sumir eru svo íhaldssamir að þeir vilja endilega vera þeimmegin.
Björn Björnsson
Fleiri fréttir
-
Miðasalan hefst í dag
feykir.is Skagafjörður, Lokað efni 23.04.2025 kl. 15.00Leikfélag Sauðárkróks frumsýnir nú næskomandi sunnudag 27.apríl leikritið „Flæktur í netinu“ í leikstjórn Valgeirs Skagfjörð. Miðasala hefst í dag, miðvikudag á tix.is.Meira -
Faxi er kominn heim
feykir.is Skagafjörður 23.04.2025 kl. 14.22Að morgni dags 21. júlí 2023, sagði Feykir frá því að Faxi hafi tekið á flug á vit nýrra ævintýra. Næsti áfangastaður var Reykjavík þar sem hann var gerður sýningarhæfur og hafður á sýningu á Korpúlfsstöðum. Þegar þeirri sýningu lauk hélt hann til Þýskalands þar sem færa átti kappann í brons áður en hann kæmi aftur heim á Sauðárkrók.Meira -
Rafrænt Sjónhorn kom út í dag
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 13.52Vegna mikillar eftirspurnar var tekin ákvörðun um að gefa út rafrænt eintak af Sjónhorni fyrir Sjónhornþyrsta fólkið á svæðinu. Þetta blað fer því ekki inn um lúgurnar í pappírsformi - það verður einungis hægt að skoða það á netinu. Ástæðan fyrir því að ekki var hægt að gefa út prentað blað er sú að frídagar í þessari viku gerðu það að verkum að ekki var hægt að setja blaðið upp né dreifa því á tilsettum tíma.Meira -
Landsnet með opinn fund í Eyvindarstofu á Blönduósi miðvikudaginn 30. apríl kl. 16
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.39Þann 30. apríl nk. verður Landsnet með opinn fund í Eyvindarstofu á Blönduósi kl. 16:00 þar sem farið verður yfir og kynnt hvernig þau ætla að byggja upp öflugt, sveigjanlegt og sjálfbært flutningskerfi fyrir framtíðina. Þessi fundur er einn af átta sem Landsnet verður með í ferð sinni um landið þar sem þau ætla að ræða við fólk, svara spurningum og hlusta. Þetta er opið samtal og þú ert hluti af því.Meira -
Vorfagnaður í Árgarði
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2025 kl. 11.30Laugardaginn 26. apríl nk. kl 20:00 verður vorinu fagnað í Árgarði. Til stendur að borða saman kótilettur með tilheyrandi meðlæti. Tala, syngja og dansa saman inn í nóttina.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.