Vilja Snædísi Karen heim aftur
Koma bjarndýrsins til Íslands vakti heimsathygli og var mikið fjallað um það í bæði innlendum og erlendum fjölmiðlum á sínum tíma. Það var heimasætan á Hrauni II, Karen Helga Steinsdóttir, sem fyrst sá ísbjörninn þegar heimilishundurinn æddi út í æðarvarpið sem elti bjarndýrið til að skamma það fyrir það að vera á þessum stað.
Í frétt sem birtist á feykir.is segir að Tilraunastöðin á Keldum hafi fengið sýni til að greina og í ljós kom að birnan hafi verið annað hvort 12 eða 13 ára þegar hún var feld. Karl Skírnisson, dýrafræðingur, útbjó þunnsneiðar af tönnum dýrsins til að telja árhringi og ráða í lífssögu hennar út frá línum sem myndast utan á rætur tannanna þegar dýrið eldist. Tvöfaldar vetrarlínur myndast í tannrætur þegar þær leggjast í híði og eignast afkvæmi. Skagabirnan er talin hafa átt afkvæmi þrisvar sinnum og alltaf náð að ala húna sína upp (tekur þrjú ár) þar sem tvær vetrarlínur sáust milli tímgunaráranna. Raunar benda ystu árhringirnir í tönnunum til þess að húnn eða húnar úr síðasta gotinu hafi orðið sjálfstæðir nokkrum mánuðum áður en birnan lagði í sundferðina til Íslands. Birnan var örmagna og að dauða komin þegar hún náði landi við Hraun á Skaga. Hún hafði ekki nærst þann rúma sólarhring sem hún dvaldi á landi, þrátt fyrir gnótt eggja í æðarvarpinu, þar sem hún hélt til, á þessum tíma.
Skömmu eftir að birnan var stoppuð upp var henni fundinn staður í Hafíssetrinu á Blönduósi og fékk þá nafnið Snædís Karen, að hluta til í höfuðið á stúlkunni sem sá hana fyrst eftir að hún kom á land. Efnt var til samkeppni um nafnið á birnunni og það var Ívar Snorri Halldórsson sem fékk verðlaunin fyrir besta nafnið. Nokkru seinna var Snædís Karen flutt í stjórnsýsluhúsið á Hnjúkabyggð 33 á Blönduósi.
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.