Verum stór
Eins og mörgum er kunnugt fór Íslandsmótið í hestaíþróttum fram á Hólum í Hjaltadal í sumar. Svæðið á Hólum er hið allra glæsilegasta en undanfarin ár hefur verið sífelld upppbygging á því. Nú síðast voru byggðir glæsilegir vellir á svæðinu og áhorfendamanir í aðdraganda Landsmóts hestamanna sem fram fór á Hólum sumarið 2016. Fyrir voru glæsileg mannvirki sem nýtast vel, bæði til mótahalds og kennslu við hestadeild Háskólans á Hólum, hesthúsapláss fyrir fleiri hundruð hross og þrjár reiðhallir. Það er mat sumra að hvergi sé betra að halda hestamót en á Hólum, því þar er jú, allt til alls á einum og sama blettinum.
Íslandsmótið í ár á Hólum tókst afar vel að mati þeirra sem sóttu mótið og héldu það. Lagt var upp úr því að nýta mannauðinn sem til er í að halda mótið, enda margir í héraðinu orðnir vel sjóaðir í því að halda stór hestamót. Í raun má segja að á svæðinu hefur orðið til gífurleg þekking í að halda svona stórmót, og ekki bara hestamót, því að mörg stór og vel heppnuð mót í öðrum íþróttum hafa verið haldin hér á svæðinu. Má þar nefna önnur stór og fjölmenn mót eins og Unglingalandsmót, Landsmót UMFÍ, Króksmót og Steinullarmót á Sauðárkróki, Landsmót 50+ á Hvammstanga og Smábæjarleika á Blönduósi.
Ég tel að svona fjölmenn mót og fyrirferðarmikil séu gífurlega mikilvæg fyrir minni samfélög eins og okkar. Ég segi minni samfélög, en auðvitað meina ég það ekkert. Við eigum ekki að horfa á okkur sem lítil, við erum stór, alla vega ekki minni en aðrir. Norðurland vestra hefur alla burði til að halda mót og viðburði af sömu stærðargráðu og önnur byggðarlög, og með sama standard, takk.
Fyrirtæki á svæðinu njóta góðs af fjölmenni, íbúum ætti að líða vel með það að fólk sé til í að heimsækja svæðið og ég tala nú ekki um öll mannvirkin sem rísa á svæðinu í kjölfar stórra móta sem nýtast síðan samfélaginu áfram.
Verum stór.
/SMH
Leiðarinn birtist 27. tölublaði Feykis árið 2021
Fleiri fréttir
-
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.