Tröllaskagatvíburarnir töfruðu fólk upp úr skónum
Hin ástsæla Söngkeppni framhaldsskólanna fór fram sl. laugardagskvöld í Exton í Kópavogi í þrítugasta sinn. Keppnin, sem átti að fara fram í vor en var frestað vegna ... dúmmdúmmtrisss ... COVID-19, var að sjálfsögðu í beinni útsendingu á RÚV. Sigurvegarar kvöldsins komu frá nágrönnum okkar í Menntaskólanum á Tröllaskaga en þar fóru tvíburarnir Tryggvi og Júlíus Þorvaldssynir á kostum ásamt Herði Inga Kristjánssyni og Mikael Sigurðssyni.
Strákarnir léku jafnframt á eigin hljóðfæri en þeir fluttu lýtalausa útgáfu af laginu I'm Gonna Find Another You eftir John Mayer. Í öðru sæti varð silkimjúk söngkona, Dagmar Lilja, úr Framhaldsskólanum í Austur-Skaftafellssýslu en Billie Eilish-atriði Sigríðar Höllu úr Menntaskólanum í Reykavík hafnaði í þriðja sæti.
Það var hún Helena Erla, dóttir Elenóru og Árna Gunn (fyrrum ritstjóra Feykis), sem steig á svið fyrir hönd Fjölbrautaskóla Norðurlands vestra. Hún réðist ekki á garðinn þar sem hann var lægstur, frekar en flestir keppendur kvöldsins, og flutti lagið Anyone sem Demi Lovato gerði vinsælt í ár. Flutningur Helenu á þessu erfiða sönglagi var framúrskarandi en dugði ekki til verðlaunasætis í ár.
Það eru kannski ekki alveg allir söngvararnir sem stíga á stokk í Söngkeppninni sem eiga erindi inn í stofur landsmanna en stundum þarf að taka viljann fyrir verkið. Þá mættu keppendur velja sér lög sem þeir ráða betur við því það er betra að negla lagið en negla það næstum því. Keppnin hefur hins vegar verið stökkpallur inn í sviðsljósið fyrir merkilega marga af okkar ástsælustu söngvurum. Má þar til dæmis nefna Pál Óskar, Emiliönu Torrini, Margréti Eir, Stebba Jak, Jónsa svartklædda, Magna þegar hann hafði hár, Glowie og svo okkar eigin Hrafnhildi Víglunds og Sverri Bergmann.
Fleiri fréttir
-
Fyrsta lagið sem Stjáni fílaði í botn var með Sheryl Crow / KRISTJÁN REYNIR
feykir.is Skagafjörður, Tón-Lystin, Lokað efni 02.12.2024 kl. 09.47Það er Kristján Reynir Kristjánsson sem spreytir sig á Tón-lystinni í þetta skiptið. Hann er fæddur 1992 og með tónlistina í genunum en foreldrar hans eru Ragnheiður Ásta Jóhannsdóttir og Kristján Kristjánsson. Líkt og hjá gamla þá eru trommurnar hans hljóðfæri. „Ég fæddist á Akureyri og ólst upp í Skagafirðinum. Fjölskyldan flutti suður í nokkur ár, komum aftur norður árið 2007 og hér hef ég verið að mestu leyti síðan þá.“Meira -
Sjálfstæðisflokkur endaði stærstur í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla 01.12.2024 kl. 15.42Það var reiknað með spennandi kosningu í Norðvesturkjördæmi og glöggir spámenn og kannanir gerðu ráð fyrir að sex flokkar skiptu með sér þeim sex þingsætum sem í boði voru; Framsókn, Viðreisn, Sjálfstæðisflokkur, Flokkur fólksins, Miðflokkur og Samfylking. Síðan yrði happdrætti hvar uppbótarþingmaðurinn endaði. Það fór svo að hann endaði hjá Flokki fólksins sem fékk því tvo þingmenn í kjördæminu.Meira -
Samfylkingin kom, sá og sigraði
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.12.2024 kl. 15.02Kosið var til Alþingis í gær og lágu endanleg úrslit fyrir nú í hádeginu en síðastur til að detta inn á þing var Sigurður Ingi Jóhannsson, formaður Framsóknarflokksins Þá var þegar ljóst að Samfylkingin var ótvíræður sigurvegari kosninganna, bættu við sig níu þingsætum, eru því með 15 þingmenn og eina framboðið sem náði rúmlega 20% fylgi. Þá unnu Flokkur fólksiins og Viðreisn vel á, Miðflokkurinn bætti við sig sex þingmönnum og Sjálfstæðisflokkur var einn ríkisstjórnarflokkanna til að vinna varnarsigur.Meira -
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.