Það stefnir í fótbolta um helgina
Það er bikarhelgi í körfunni og Tindastólsmenn hvíla því. Það stefnir aftur á móti í mikla fótboltahelgi því á morgun, laugardag, eiga Stólastúlkur heimaleik gegn liði Stjörnunnar í Lengjubikarnum og hefst leikurinn kl. 14:00. Strax í kjölfarið, eða kl. 16:00, á svo sameinaður 3. flokkur Tindastóls / Hvatar / Kormáks leik gegn Aftureldingu.
Samkvæmt heimildum Feykis er 3. flokkurinn sameinaði skipaður bráðefnilegum stúlkum sem skelltu á dögunum sameinuðu Suðurnesjaliði RKVN þar sem Kormáks-stúlkan Júlía Jara Ólafsdóttir gerði bæði mörk liðsins í 1-2 sigri í Nettóhöllinni.
Meistaraflokkur kvenna spilar síðasta leik sinn í Lengjubikarnum þar sem liðið hefur verið í riðli með liðum úr efstu deild. Liðið hefur spilað fjóra leiki, tapað þremur en gerði jafntefli hér heima gegn KR. Nú eru það Stjörnustelpur sem mæta á Krókinn en þær hafa unnið þrjá leiki og tapað einum og verða vafalítið erfiður andstæðingur. Tindastólsliðið ætti að öllum líkindum að geta teflt fram sínu sterkasta liði.
Veðurspáin fyrir morgundagin var góð en hefur nú heldur versnað og lítið á veðrið að treysta þennan rússíbanavetur. Fram eftir degi er þó spáð stilltu veðri en talsverðri slyddu og því kannski helst spurning hvort fært verður yfir heiðar fyrir gestina.
Karlarnir keppa líka en að heiman
Lið Kormáks/Hvatar spilar í Lengjubikarnum á laugardag þegar þeir heimsækja ÍH í Skessuna í Hafnarfirði. Liðið hefur spilað tvo leiki og tapað báðum og síðan náðu Húnvetningar ekki í lið í leik gegn Elliða og var Árbæingum dæmdur sigur í þeim leik. Á sunnudag á karlalið Tindastóls að mæta liði Samherja í Boganum á Akureyri kl. 16:30. Lið Tindastóls er efst í sínum riðli án þess þó að hafa spilað leik en Stólunum var dæmdur sigur í leik gegn KB sem létu vita of seint að þeir kæmust ekki til leiks.
Fleiri fréttir
-
Ilze tekur sæti Mélissu hjá Stólastúlkum
feykir.is Skagafjörður, Íþróttir, Lokað efni 27.11.2024 kl. 13.52Ákveðið hefur verið að gera breytingar á leikmannahópi kvennaliðs Tindastóls. Í fréttatilkynningu frá körfuknattleiksdeild Tindastóls segir að Melissa Diawkana hafi kvatt liðið og í hennar stað hafi verið samið við hina lettnesku Ilze Jakobsone. Ilze er mætt til landsins og verður klár fyrir næsta leik.Meira -
Niðurgreiðum raforku til grænmetisræktar | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 13.17Ísland er eyja í norður Atlantshafi. Sú staðsetning gerir það að verkum að þegar kemur að grænmeti þá höfum við tvo valkosti í boði. Við getum annaðhvort flutt það inn með skipum eða flugi, og borgað mikla álagningu fyrir vöru sem er ekki fersk, eða nýtt okkar grænu orku og hreina vatn til að rækta fyrsta flokks grænmeti á Íslandi.Meira -
Nýtt upphaf – í þjónustu við þjóðina | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 11.54Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram. Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.Meira -
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.