„Það er margra ára reynsla að dvelja vikulangt á hálendisvaktinni“
Vikuna 1.-8. ágúst var nóg um að snúast hjá björgunarsveitinni Skagfirðingasveit á Sauðárkróki en meðlimir hennar tóku að sér hálendisgæslu á hálendisvakt í Landmannalaugum á Fjallabaki. Hálendisvakt Landsbjargar er verkefni sem byrjaði fyrir allmörgum árum til að stytta viðbragðstíma björgunarsveita yfir sumarið við verkefnum á hálendinu.
Hálendisgæslan fer fram á fjórum stöðum á hálendinu; Fjallabaki við Landmannalaugar þar sem Skagfirðingasveit var í sumar, norðan Vatnajökuls, Nýja-dal á Sprengisandi og svo er ný til komin viðbragðsvakt í Skaftafelli. Björgunarsveitir af öllu landinu geta skráð sig á vaktir á þessum stöðum sem eru frá sunnudegi til sunnudags. Hálendisgæslan er starfandi yfir sumarið, frá miðjum júní og fram í lok ágúst.
Skagfirðingasveit hefur farið einu sinni á sumri síðan 2013 á hálendisvakt fyrir utan eitt sumar. Feykir hafði samband við Hafdísi Einarsdóttur, formann Skagfirðingasveitar, á meðan sveitin sinnti gæslu fyrr á mánuðinum og forvitnaðist um verkefnið.
„Við erum að sinna allskyns verkefnum. Allt frá því að skoða augu og setja plástur og allt upp í fjallaverkefni, þyrluútköll og allt sem getur gerst. Fyrir sveit eins og okkar, sem fáum ekki nema svona átta til tólf útköll á ári og sum hver afturkölluð mjög fljótlega, að þá er þetta bara veisla, svona uppskeruhátíð í raun og veru. Það er marga ára reynsla að dvelja vikulangt á hálendisvaktinni.“
„Þetta er í rauninni frí, skástrik, að sinna verkefnum. Eins og t.d. núna eru báðir bílarnir á ferðinni og okkar fólk er bara að skoða landslagið í kring og eru síðan til taks ef eitthvað kemur upp á. Reynslan að keyra á hálendinu, keyra í þungum snjó, afla sér upplýsinga um færð vega, þetta er bara ómetanleg reynsla fyrir okkur.“
Í haust stefnir Skagfirðingasveit á það að vera með dagskrá fyrir nýliða sem stendur frá september til áramóta. Nýliðar fá kynningu á starfi sveitarinnar, taka nokkur vel valin námskeið, kynnast félögum sveitarinnar og að lokum samþykktir á útkallslista.
„Björgunarsveitarstarf er fyrir alla, það er alltaf hægt að leggja lið, það er hægt að mæta í hús og smyrja samlokur fyrir liðið eða koma og vera í tölvu vinnunni. Við erum á mikilli uppleið [Skagfirðingasveit], það er búin að vera mikil virkni síðasta ár og ég sé fram á enn bjartari tíma,“ sagði Hafdís Einarsdóttir, formaður sveitarinnar.
/SMH
Fleiri fréttir
-
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.